21.02.2019

Beynəlxalq Ana dili günü və Güney Azərbaycan

Bu gün, yəni fevralın 21-i dünyada Beynəlxalq Ana Dili günü kimi qeyd olunur. BMT 1999-cu ildə Banqladeş səfirinin təşəbbüsü ilə həmin günü Beynəlxalq Ana Dili günü olaraq elan edib.

Hər il bu gün qeyd olunanda istər güneyli milli fəallar, istərsə də Azərbaycan respublikasından olan müxtəlif insanlar Güney Azərbaycandakı soydaşlarımızın öz ana dilində təhsil almaq hüququndan məhrum olduqlarını qabardır.

XXI əsrdə Norveç, İsveç və Finlandiya əhalisinin toplam sayından daha çox olan bir insan kütləsinin ən adi və əsas hüququ olan öz ana dilində təhsil almaq hüququ yoxdur. Özünü “İran İslam Respublikası” adlandıran qurum, 30 milyon insanı öz konstitusiyasında bəyan etdiyi bu hüquqdan məhrum edib. Bunun fonunda “İslam Respublikasının” bəzi xadimləri həyasızcasına Avropa, ABŞ və Azərbaycan da daxil olmaqla, bəzi ətraf ölkələrin cəmiyyətlərinə və rəhbərliyinə “ağıl öyrətməyə” cəhd edir!

Maraqlıdır ki, İranda bir tək molla rejimi deyil, özünə “demokrat”, “liberal” deyən siyasətçilər və ya siyasətbazlar da azərbaycanlıların ana dilində təhsil hüququna elə eyni pəncərədən baxır.

Arzu edirəm ki, mən 2020 – ci ildə Ana dili günü artıq Güney Azərbaycanda ana dilində təhsil problemindən deyil, ana dilində təhsilin inkişafından yazacağam.

Əli Hacızadə

www.alihajizade.com


Digər xəbərlər


Azərbaycana ayrılmış 100 milyon dollar həcmində hərbi yardım erməniləri təşvişə salıb

Ermənistanda ABŞ-ın Azərbaycana 100 milyon dollar həcmində hərbi yardım etməsi ilə bağlı yayılan məlumatlardan narahatlıq keçirirlər. Cənubi Qaf...

Bakı Bulvarında ilanların olduğu doğrudur?

Bakı Bulvar İdarəsi bulvar ərazisində ilanların olması ilə bağlı məsələyə aydınlıq gətirib.  İdarənin mətbuatı xidmətinin rəhbəri Günay Yelma...

270 tibb işçisi Festival günlərində yarışlar zamanı növbə çəkəcəklər

Səhiyyə Nazirinin müvafiq əmrinə əsasən 15-ci Avropa Gənclər Yay Olimpiya Festivalı keçiriləcəyi dövrdə, müəyyən olunmuş yerlərdə 41 Təcili Tibbi Yar...

Jurnalistlər üçün pulsuz müayinə keçiriləcək

Milli Mətbuatın 144-cü ildönümü ilə bağlı Apifioterapiya Mərkəzi ilə Parlament Jurnalistlər Birliyi birgə layihə həyata keçirəcək. Bu barədə Apifiote...