13.03.2019

Çində bu avtomobillərin satışı qadağan ediləcək

Çinin cənubundakı Xaynan adasında 2030-cu ildə ənənəvi yanacaq növləri ilə (benzin, dizel, maye qaz) işləyən avtomobillərin satışı dayandırılacaq.

Yerli hökumət bu addımla Çinin turizm bölgəsi olan adanı “ekoloji nümunəvi zona”ya çevirmək istəyir.

Xaynan Çində 2017-ci ildə ənənəvi yanacaqla işləyən avtomobillərin satışının qadağan edilməsi ilə bağlı elan edilən planı yerinə yetirən ilk vilayət olacaq. Çin hökuməti bu planla həm ətraf mühitin qorunmasını, həm də idxal neftdən asılılığı azaltmağı hədəfləyib.

Qeyd edək ki, Çində ətraf mühitin qorunması istiqamətində həyata keçirilən tədbirlərdən biri də yeni enerji avtomobillərinin istifadəsinin təşviqidir. Hökumət bu cür avtomobil istehsal edən şirkətlərə güzəştlər təklif edir, şəhər təsərrüfatlarında ənənəvi avtomobillərin istifadəsini getdikcə məhdudlaşdırır. Çin hazırda yeni enerji avtomobillərinin ən böyük bazarı hesab olunur. Ötən il ölkədə ümumilikdə 1,26 milyon ədəd bu növ avtomobil satılıb.

Mənbə AZƏRTAC


Digər xəbərlər


Diqqət! Kredit və zaminlərlə bağlı yeni AÇIQLAMA

«Bank kredit xəttinin restrukturizasiya olunması barədə qərar verərsə və yeni müqavilə bağlanarsa o zaman əvvəlki kreditdə zamin duranların zami...

Azərbaycanda “Pensiya Amnistiyası” verilə bilər

Bu ildən “Əmək pensiyaları haqqında” Qanuna edilən dəyişiklilərə görə, 2006-cı ilin əvvəlindən, yəni fərdi uçot sistemi tətbiq olunandan sonra 2018-c...

Dünya nəhəngləri “Huawei”lə əməkdaşlığı rəsmi şəkildə dayandırdı

ABŞ-ın Ticarət Nazirliyinin mayın 17-də “Huawei” şirkətini qara siyahıya salmasından sonra bir sıra nüfuzlu kompaniyalar Çin şirkəti ilə əməkdaşlığa ...

"Ferrari" minlərlə avtomobilini geri çağırır

«Ferrari» avtomobil markası Çin bazarında 2071 avtomobilini geri çağırır. «Sinxua» agentliyinə istinadən verdilən məlumata gör...