15.03.2019

Gənc ifaçıların diqqətinə! Beynəlxalq klassik və folklor musiqi müsabiqəsi keçiriləcək

Aprelin 2-dən 8-dək Bakı şəhərində MDB ölkələrinin Dövlətlərarası Humanitar Əməkdaşlıq Fondu (МФГС), Mədəniyyət Nazirliyi, Bakı Şəhər Mədəniyyət Baş İdarəsi və Qara Qarayev adına Mərkəzi İncəsənət Məktəbinin birgə təşkilati dəstəyi ilə Gənc ifaçıların «WORLD HARMONY» Beynəlxalq Klassik və folklor musiqisi müsabiqəsi keçiriləcək.

Müsabiqənin təşkilat komitəsi artıq öz işinə başlayıb, sənədlərin qəbulu və müsabiqənin təşkili məsələləri ilə bağlı iş aparılır.

«WORLD HARMONY» Beynəlxalq musiqi müsabiqəsi instrumental solo – fortepiano, simli alətlər, nəfəs və zərb alətləri, xalq çalği alətləri, vokal — akademik, milli, estrada), rəqs və instrumental ansambllar (klassik və milli), vokal ansambllar (akademik, milli və estrada), xor və rəqs kollektivləri nominasiyaları üzrə təşkil ediləcək. Yarışmada müxtəlif yaş qrupları üzrə respublikamızın və dünyanın müxtəlif ölkələrindən (Belarus, Gürcüstan, Qazaxıstan, Özbəkistan, Rusiya, Ukrayna) təqribən 300 nəfərə yaxın ifaçı və bir çox musiqi kollektivlərinin iştirakı gözlənilir.

Müsabiqənin münsiflər heyəti Azərbaycan da daxil olmaqla, Belarus, Fransa, Gürcüstan, İsrail, Qazaxıstan, Litva, Macarıstan, Rusiya və Ukrayna kimi ölkələrdən dəvət olunmuş görkəmli mütəxəssislərdən ibarətdir. Müsabiqə ərəfəsində dünyaşöhrətli peşəkar musiqiçilər tərəfindən fortepiano, vokal, simli, nəfəs alətləri ixtisasları üzrə ustad dərsləri təşkil olunacaq.

Aprel ayının 4-də Müslüm Maqomayev adına Azərbaycan Akademik Dövlət Filarmoniyasında Sankt-Peterburq Musiqi Liseyinin Ümumrusiya və Beynəlxalq müsabiqə laureatları olan müəllim və şagirdlərinin iştirakı ilə konsert və aprel ayının 7-də müsabiqə qaliblərinin möhtəşəm qala-konserti, mükafatlandırma mərasimi keçiriləcək, fərqlənən iştirakçılara hədiyyələr və mükafatlar təqdim olunacaq.

Mənbə trend.az


Digər xəbərlər


Müasir Beyləqanın uzaq keçmişə dayanan zəngin tarixi - Fotolar

Ərəb tarixşünasları Beyləqan şəhərinin salınmasını, əsasən, V əsrə — I Qubadın hakimiyyəti illərinə aid edirlər Şərqin qədim şəhərlərindən b...

Heydər Əliyev Fondu silsilə tədbirləri davam etdirir: Bu dəfə Sosial xidmət müəssisəsində Novruz şənliyi təşkil edilib

Martın 20-də Heydər Əliyev Fondunun təşəbbüsü ilə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Pensiya yaşına ç...

Məşhur türk aktyoru Cem Yılmazdan nümunəvi addım

Türkiyəli məşhur komediya ustası Cem Yılmaz xeyriyyəyə böyük məbləğdə pul ayırıb İstanbulda keçirilən “Diamond Elite Platinum Plus” adlı stand-u...

Bakıda bir həftə Novruz bayramı əhvalı yaşanacaq

Festival “Sahil bağı”nda mart ayının 24-dək davam edəcək Dövlət Turizm Agentliyindən verilən məlumata görə, martın 19-dan etibarən Azərbaycanın ta...