16.03.2019

Gözlənilən qərar: Banklar faizləri aşağı salacaq

Mərkəzi Bankın qərarı ölkədə aparılan islahatlar fonunda atılan bir addımdır

Bu sözləri Mərkəzi Bankın uçot dərəcəsinin endirilməsi ilə bağlı qərarını şərh edən professor Fikrət Yusifov deyib. İqtisadçı ilk növbədə qərarın bank faizlərinə təsirindən söz açıb:

“Mərkəzi Bankın qərarı ölkədə aparılan islahatlar fonunda atılan bir addımdır. Dövlət dəstəyi nəticəsində aparılan bu islahatlar nəticə etibarilə bankların real sektora üz tutmasına gətirib çıxarmalıdır. Çünki bu gün iqtisadiyyatın banklardan bəhrələnməyə böyük ehtiyacı var. Təəssüf ki, banklar iqtisadiyyata və real sektora kreditlər verməklə bağlı müəyyən tərəddüdlər içərisindədirlər. Təbii ki, bu tərəddüdü yaradan səbəblərdən biri də kredit faizlərinin yüksək olmasıdır. Kreditlərin ucuzlaşmasını şərtləndirən əsas amillərdən biri də Mərkəzi Bankın uçot dərəcəsidir. MB-nin uçot dərəcəsini aşağı endirməsi isə o deməkdir ki, bank kreditlərinin faizində dəyişiklik olacaq. Belə ki, banklar öz müştərilərinə daha aşağı faizlərlə kreditlər verə biləcəklər”.

F.Yusifov Mərkəzi Bankın qərarının manata təsirindən də danışıb:

“Uçot dərəcəsinin endirilməsi indiki dövrdə manatın məzənnəsinin sabit qalması baxımından doğru bir addımdır”.

Qeyd edək ki, bu gün Mərkəzi Bank uçot dərəcəsinin 9.25 faizdən 9 faizə endirilməsi barədə qərar qəbul edib. Faiz dəhlizinin yuxarı həddi 11%, aşağı həddi isə 7% səviyyəsində müəyyən edilib. Faizlərə növbəti dəfə aprelin 26-da baxılacaq. Bundan öncə AMB fevralın 1-də uçot dərəcəsinin 9.75 faizdən 9.25 faizə endirilməsi barədə qərar vermişdi.

Mənbə axar.az


Digər xəbərlər


Bu iki telefon nəhəngi 108 MP-lik kamera əldə edə bilərlər

Bu həftənin əvvəli Samsung şirkəti 108 MP-lik ISOCELL Bright HMX kamera modulunu təqdim etmişdi. İndi isə internetdə həmin kamera...

Qatlana bilən smartfonlar bazarı ələ keçirtməyə hazırlaşırlar

 IHS Markit analitik şirkəti böyük şirkətlərin qatlana bilən smartfon modelləri barəsində proqnozları əks etdirən hesabatı təqdim edib. Bax...

iPhone 11-in mümkün təqdimat tarixi bəlli olub

Sentyabr ayının yaxınlaşması ilə Apple şirkətinin yeni iPhone modelləri barəsində daha çox məlumat ortaya çıxmağa davam edir. İnd...

Evini kirayə verənlər vergi verməlidir?

Şəxsi evini notarius qaydası ilə kirayə verən fiziki şəxs gəlirindən vergi ödəməlidirmi? Vergilər Nazirliyinin Media və kommunikasiya mərkəzindən fin...