20.03.2019

Novruz bayramı UNESCO-nun mənzil-qərargahında

Parisdə, UNESCO-nun mənzil-qərargahında Azərbaycan, Əfqanıstan, İran, İraq, Türkiyə, Türkmənistan, Qazaxıstan, Tacikistan, Pakistan və Hindistanın bu qurumun yanındakı daimi nümayəndəliklərinin təşəbbüsü ilə Novruz bayramı təntənə şəkildə qeyd olunub

Azərbaycan Respublikasının mədəniyyət nazirinin müavini Sevda Məmmədəliyeva və Xalq artisti Alim Qasımov da tədbirdə iştirak ediblər.

İranın UNESCO yanındakı daimi nümayəndəsi Ə.Calali çıxış edərək Novruz bayramı və onun mənəvi əhəmiyyətindən danışıb. O, UNESCO-nun mənzil-qərargahında konsert vermək üçün dəvət olunan Azərbaycanın Xalq artisti Alim Qasımovu təqdim edib, görkəmli xanəndənin fəaliyyəti barədə məlumat verib.

A.Qasımov tədbirin iştirakçılarını muğamla salamlayıb, Novruz bayramı münasibətilə onları təbrik edib.

UNESCO baş direktorunun mədəniyyət işləri üzrə müavini Ernesto Ottone Ramirez tədbirdə çıxış edərək Novruz bayramının 2009-cu ildə UNESCO-nun Qeyri-Maddi Mədəni İrs üzrə Reprezentativ Siyahısına salındığını, BMT Baş Məclisinin qərarı ilə hər il martın 21-nin Beynəlxalq Novruz Günü kimi qeyd olunduğunu diqqətə çatdırıb.

Tədbirdə Novruz bayramının xalqların zəngin milli-mənəvi dəyərlərini, tarixi adət-ənənələrini qoruyub saxladığı vurğulanıb. Novruz bayramının sülh, həmrəylik kimi ümumbəşəri dəyərləri əks etdirdiyi, nəsildən-nəslə ötürülən milli mənsubiyyət nümunəsi olduğu diqqətə çatdırılıb. Bildirilib ki, ruzi-bərəkət bayramı kimi qeyd edilən Novruzun yazın gəlişindən, təbiətin oyanışından xəbər verir.

Bayram tədbirində təşkilatçı ölkələrin milli musiqiləri və rəqsləri ifa edilib.

Sonda təşkil olunan ziyafətdə Azərbaycan milli mətbəxinin ləziz nümunələri də təqdim olunub.

Mənbə azertag.az


Digər xəbərlər


Leyla Əliyeva “Mənim balaca şahzadəm” cizgi filminin təqdimatında iştirak edib (FOTO)

Mayın 23-də Nizami Kino Mərkəzində “Azanfilm” studiyasının istehsalı olan “Mənim balaca şahzadəm” cizgi filminin təqdimatı keçirilib. Tədbirdə Hey...

Heydər Əliyev Fondunun təşkilatçılığı ilə uşaqlar üçün əyləncə proqramı təşkil olunub - VİDEO

«Gənclik Mall» ticarət mərkəzində yerləşən “CinemaPlus” premium kinoteatrında Heydər Əliyev Fondunun təşkilatçılığı ilə ...

Heydər Əliyev Mərkəzində dünya şöhrətli rəssam Zurab Seretelinin əsərləri nümayiş olunub

Mayın 22-də Heydər Əliyev Mərkəzində dünya şöhrətli rəssam Zurab Seretelinin “Mümkün ölçülər” (Possible Dimensions) adlı sərgisi açılıb Moskva Müa...

Əfsanəvi ingilis personajları mayın 29-dək Bakıda musiqili yürüş edəcəklər - FOTO

Mayın 29-da Bakı Olimpiya Stadionunda İngiltərənin «Çelsi» və «Arsenal»komandaları arasında keçiriləcək UEFA Avropa Liqasının oyu...