15.03.2019

“Sağlam qida” şüarı ilə tədbirlərə start verilib

Agentliyin informasiya təminatı və innovativ həllər şöbəsindən verilən məlumata görə, agentlik “Sağlam qida” tədbirinə başlayıb və həmin tədbir çərçivəsində respublikanın bütün regionlarında istixana və açıq sahələrdə becərilən və anbarlarda saxlanılan məhsullara fitosanitar müşahidələr tətbiq edilir.

Payızlıq əkinlərə qulluq, bağlarda mövsümi tədbirlərin aparılması və yazlıq tarla işlərinə hazırlıq dövründə bitki və bitkiçilik məhsullarının zərərli orqanizmlərdən qorunması mühüm əhəmiyyət kəsb etməklə yanaşı həm də məsuliyyət tələb edir. Hazırda təsərrüfat sahibləri bol məhsul yetişdirmək üçün torpağın qidalandırılması, bitkilərin inkişafı və zərərli orqanizmlərdən qorunması üçün aqrokimyəvi maddələr və bitki mühafizə vasitələrindən istifadə edirlər. Bu məqsədlə Qida Təhlükəsizliyi Agentliyi tərəfindən təsərrüfat sahibləri arasında maarifləndirmə tədbirləri genişləndirilib.

Fermerlərə düzgün qulluq və mübarizə tədbirlərinə dair tövsiyələr verilir. Təsərrüfat sahiblərinin nəzərinə çatdırılır ki, müvafiq tədbirlər görülərkən torpaq, hava, su çirkləndirilməməli, eləcə də insanların və heyvanların sağlamlığına zərər vurulmamalıdır.

“Sağlam qida” şüarı ilə təsərrüfat sahiblərinə dəstək məqsədilə torpaqlardan və məhsullardan nümunələr götürülərək ödənişsiz olaraq laborator müayinələrə cəlb edilir.

Mənbə AZƏRTAC


Digər xəbərlər


Avropada islamafobiya artır - 4 məscidə hücum edilib

Terrorla mübarizə qrupları hadisəni araşdırır Böyük Britaniyanın Birminhem şəhərində 4 məscidə hücum edilib. “Haber7”ə istinadla xəbər verilir...

Türkiyədə İŞİD-ın planlaşdırdığı terror aktı zərərsizləşdirildi

Türkiyə təhlükəsizlik qüvvələri İstanbulda bir terrorçunu zərərsizləşdirib Türkiyə mətbuatına istinadən xəbər verilir ki, terrorçunun İŞİD qruplaş...

Bu gün Daun Sindromu Günüdür

Statistik məlumatlar təsdiq edir ki, Daun sindromu ilə doğuluşa hər 700 uşaqdan birində rast gəlinir və bu, heç də valideynlərin yaşayış yeri, həyat ...

Qazaxıstanın paytaxt adı dəyişdirildi

Qazaxıstan Prezidenti Nursultan Nazarbayevin istefasından sonra prezident səlahiyyətlərini həyata keçirən spiker Qasım-Jomart Tokayev ölkənin paytaxt...