19.03.2019

Uşaq və Ailələrə Dəstək Mərkəzləri Novruz Bayramı ilə bağlı bir sıra tədbirlər keçirib

Komitə nəzdində fəaliyyət göstərən Şüvəlan, Saatlı, Sabirabad, Ağdam, Hacıqabul, Zərdab, Goranboy, Göygöl, Zaqatala, Qəbələ və İsmayıllı  Uşaq və Ailələrə Dəstək Mərkəzləri  Novruz Bayramı münasibəti ilə bayram tədbirləri təşkil edib. Bayram tədbirlərində icmada yaşayan həssas təbəqədən olan ailələrin uşaqları, xüsusi qayğıya ehtiyacı olan uşaqlar iştirak edib. Tədbirdə çıxış edənlər xalqımızı bayram münasibəti ilə təbrik edib və qeyd ediblər ki, Novruz xalqımızın mədəniyyətini, milli mənəvi dəyərlərini özündə əks etdirən, dünyaya tanıtdıran qədim el bayramıdır. Varlığın yenidən canlanmasını müjdələyən Novruz sülh və əmin-amanlığın təmin olunması, insanlar arasında birlik və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam təməllər yaradıb.

Tədbirdə uşaqlar bayram üçün hazırladıqları rəqsləri, mahnıları, şerləri, hazırladıqları səhnəcikləri təqdim edib. Keçəllə Kosanın uşaqların Novruza aid biliklərini yoxlayan əyləncəli, şən oyunları günə, tədbirə başqa bir rəng qatıb. Tədbir  iştirakçıların və tamaşaçıların birgə ifa etdikləri birlik, həmrəylik rəmzi olan “Yallı” ilə davam edib.

Tədbirdə həmçinin imkansız ailələrdən olan, uşaqlara bayram xonçaları və Novruz sovqatı  təqdim edilib.

Mənbə scfwca.gov.az


Digər xəbərlər


Leyla Əliyeva “Mənim balaca şahzadəm” cizgi filminin təqdimatında iştirak edib (FOTO)

Mayın 23-də Nizami Kino Mərkəzində “Azanfilm” studiyasının istehsalı olan “Mənim balaca şahzadəm” cizgi filminin təqdimatı keçirilib. Tədbirdə Hey...

Heydər Əliyev Fondunun təşkilatçılığı ilə uşaqlar üçün əyləncə proqramı təşkil olunub - VİDEO

«Gənclik Mall» ticarət mərkəzində yerləşən “CinemaPlus” premium kinoteatrında Heydər Əliyev Fondunun təşkilatçılığı ilə ...

Heydər Əliyev Mərkəzində dünya şöhrətli rəssam Zurab Seretelinin əsərləri nümayiş olunub

Mayın 22-də Heydər Əliyev Mərkəzində dünya şöhrətli rəssam Zurab Seretelinin “Mümkün ölçülər” (Possible Dimensions) adlı sərgisi açılıb Moskva Müa...

Əfsanəvi ingilis personajları mayın 29-dək Bakıda musiqili yürüş edəcəklər - FOTO

Mayın 29-da Bakı Olimpiya Stadionunda İngiltərənin «Çelsi» və «Arsenal»komandaları arasında keçiriləcək UEFA Avropa Liqasının oyu...