Bakı 24 ℃

USD 1.7
RUB 0.0311
EUR 1.7918
TRY 0.0979
Qızıl 3104.3955
Gümüş 35.815

17.04.2019

VİSA-dan xoş xəbər — Azərbaycanda tezliklə hesablaşmaların plastik kartlardan mobil telefona keçidi baş tutacaq

«VISA beynəlxalq ödəmə texnologiyaları şirkəti Azərbaycan banklarına bu ilin aprel ayından etibarən yalnız təmassız, yəni NFC texnologiyasına əsaslanan və bircə təmasla hesablaşmaq imkanı yaradan kartlar buraxmaq barədə göstəriş verib».

Bunu eksklüziv müsahibəsində şirkətin Baş vitse-prezidenti, MDB və Cənub-Şərq Avropa ölkələri (CİSSEE) üzrə direktoru Vera Platonova bildirib.

«Təmassız texnologiyaların tətbiqi ödəmələr bazarının inkişafını şərtləndirən ümumdünya prosesdir. Azərbaycan əhalisinin hesablaşmaları mobil telefon, Apple Pay, Google Pay, online bank partmanatları vasitəsilə rahat yerinə yetirəcəkləri vaxtının gəlməsini necə səbirsizliklə gözlədiklərinin fərqindəyik. Belə ki, NFC üsullu bütün ödəmələrın əsaslandığı Visa Token Service texnologiyası rəqəmsal ödəmə xidmətləri təchizatçıları və banklar üçün müştərilərinə alış-verişlərini online və ya mobil telefon vasitəsilə təhlükəsiz üsulunu təklif etmək imkanını yaradır. Bunun daha tez bir zamanda baş verməsi üçün də infrastrukturun hazırlanması, əhalinin maliyyə savadının artırılması, ölkə qanunlarının elektron ödəmələr tətbiqinə uyğunlaşdırılması kimi məsələlər həll olunmalıdır. Ona görə də cari ilin aprel ayından etibarən bankların buraxdığı ödəmə kartlarının yalnız təmassız texnologiyaya əsaslanacağını nəzərdə tutan mandatımız qüvvəyə minib», — «Visa» şirkətinin nümayəndəsi bildirib.

Qeyd edək ki, təmassız texnologiyanın tətbiqi istifadəçilərdə tezliklə vərdiş yaradır.

«Müşahidələrimizə görə, təmassız kartla hesablaşmağa başlayan insanın şüuru da dəyişir, yəni tez və asanlıqla ödəmə etməkdən ləzzət almağa başlayır ki, nəticədə bu üsulla ödəmələrin sayı xeyli artır. Bundan əlavə, təmassız kartlar bir neçə mühafizə dərəcəsilə təchiz olunub ki, bunlar arasında daxili təmassız çip, PİN kodu ilə təsdiqlənməyən təmassız köçürmələrə 50 manatlıq həddi, 4 santimetrlik məsafədə işləmək qabiliyyəti, nadir şifr sistemi sayəsində kartı saxtalaşdırmaq əslində qeyri-mümkün olur. Yəni təmassız kartın surətini çıxartmaq cəhdləri hələ ki qeydə alınmayıb», – deyən VISA şirkətinin Baş vitse-prezidenti təhlükəsiz və rahat istifadə olunan təmassız kartların yeni tərəqqi mərhələsi olan mobil telefonla hesablaşmaların tətbiqinə yol açdığını diqqətə çatdırıb.

Azərbaycan və regionun başqa ölkələrinin bazarlarının yeni informasiya texnologiyalarına, o cümlədən smartfonların tətbiqinə açıq olduğunu dilə gətirən VISA nümayəndəsi bunun sayəsində hesablaşmaların plastik kartlardan mobil telefona keçməsinin tez bir zamanda başa gələcəyini qeyd edib: «Məncə, təqribən, 5 ildən sonra mobil telefonla ödəmələrin sayı plastik kartdakılarını xeyli üstələyəcək», – deyən Vera Platonova Azərbaycanda təmassız kartlara keçid məsələsinə toxunaraq bəzi bankların kartları bir illik, bəziləri də beş illik müddətə buraxdıqlarını göstərib: «Yəni bu il beşillik kart buraxan banklar həmin müddətdə keçid dövrünə başladıqları halda, birillik kart buraxanlarda isə həmin proses xeyli tez başa gələcək».

Mövcud bank infrastrukturunun yeniliyə hazırlığını, yəni terminalların təmassız kartları qəbul edib-etməmələrini də başqa bir mühüm məqam kimi dəyərləndirən müsahibimiz «hazırda Azərbaycandakı terminalların yarısına yaxını təmassız kartlarla ödəmələr aparmağa uyğundur» deyərək ölkədə 2022-ci ilədək bank kartlarının 80 faizə qədəri yeni nəsil kartlardan ibarət olacağını vurğulayıb.

Mənbə report.az


Digər xəbərlər


Azərbaycan nefti 120 dolları KEÇİB

Dünya bazarında «Azeri Light» (CIF) markalı neftin qiyməti artıb. Azərbaycan neftinin 1 barelə olan qiyməti 2,86 ABŞ...

SOCAR-ın Rumıniyadakı fəaliyyəti açıqlanıb

Azərbaycan Dövlət Neft Şirkətinin (SOCAR) Rumıniyada 67 yanacaqdoldurma məntəqəsi və 3 yanacaq deposu var. Bunu Azərbaycan və ...

İyunun 24-də müavinət və sosial yardımlar ödəniləcək

İyunun 24-də bütün müavinət, təqaüd, kompensasiya və ünvanlı dövlət sosial yardımlarının ödənilməsi nəzərdə tutulub. Bu barədə...

Pensiyaların tam ödəniləcəyi tarix açıqlanıb

Respublika üzrə iyun ayının pensiyalarının ayın 14-də tam ödənilərək yekunlaşdırılması nəzərdə tutulub. Bu barədə Gulustan.inf...

1 lirə 10 qəpikdən aşağı düşüb

Azərbaycan Mərkəzi Bankı 8 iyun tarixindən etibarən valyuta məzənnələrini açıqlayıb. Mərkəzi Bankdan Gulustan.info-ya verilən ...

Bakı məktəblərində çalışan müəllimlərin orta aylıq maaşı açıqlanıb

Bakı şəhərində yerləşən ümumi təhsil müəssisələrində çalışan müəllimlərin orta aylıq əmək haqqı 778 manat təşkil edib. Bu barə...

Pensiyaların ödəniləcəyi tarix açıqlanıb

İyunun 9-da Bakı və Sumqayıt şəhərləri, eləcə də Abşeron rayonu üzrə pensiyaların ödənişinin həyata keçirilməsi nəzərdə tutulub. ...

Azərbaycan “Yaşıl Kart” sisteminə tam üzv olub

İcbari Sığorta Bürosu (İSB) 10 illik sınaq müddəti bitmədən 5 il ərzində Bürolar Şurasının tam hüquqlu üzvü seçilib. Bu barədə...