15.04.2019

Bəzi yanacaq markaları gömrük rüsumundan azad edilib

Bu qərar dərc edildiyi gündən 30 gün sonra qüvvəyə minir və 2020-ci il yanvarın 1-inədək qüvvədədir

Azərbaycanda bəzi yanacaq markaları gömrük rüsumundan azad edilib. 

Bu barədə baş nazir Novruz Məmmədov qərar imzalayıb.

Qərar Nazirlər Kabinetinin (NK) 2017-ci il 17 noyabr tarixli 500 nömrəli Qərarı ilə təsdiq edilmiş «Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri»ndə dəyişikliklər edilməsi barədə Konstitusiyasının 119-cu maddəsinin səkkizinci abzasını rəhbər tutaraq, «Azərbaycan Hava Yolları» QSC-nin, Maliyyə Nazirliyi, İqtisadiyyat Nazirliyi, Vergilər Nazirliyi, Energetika Nazirliyi, Dövlət Gömrük Komitəsi və Dövlət Neft Şirkəti ilə razılaşdırılmış təklifinə əsasən verilib.

Dəyişikliyə əsasən, reaktiv mühərriklər üçün TC-1 markalı yanacaq, KO-20 markalı işıqlandırıcı kerosin və KT-2 markalı texniki məqsədlər üçün kerosin gömrük rüsumundan azad edilib. Hazırda bu markalara 15%-lik gömrük rüsumu tətbiq edilir.

Bu qərar dərc edildiyi gündən 30 gün sonra qüvvəyə minir və 2020-ci il yanvarın 1-dək qüvvədədir.

Digər bir qərarla isə Nazirlər Kabineti «Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələri»ndə dəyişikliklər edib.

Belə ki, reaktiv mühərriklər üçün TC-1 markalı yanacaq, həmçinin KO-20 markalı işıqlandırıcı kerosin və KT-2 markalı texniki məqsədlər üçün kerosinin 1 tonu üçün aksiz dərəcəsi 1 manat müəyyənləşib.

Bu qərar da dərc edildiyi gündən 30 gün sonra qüvvəyə minir və 2020-ci il yanvarın 1-dək qüvvədədir.

Mənbə sputnik.az


Digər xəbərlər


270 tibb işçisi Festival günlərində yarışlar zamanı növbə çəkəcəklər

Səhiyyə Nazirinin müvafiq əmrinə əsasən 15-ci Avropa Gənclər Yay Olimpiya Festivalı keçiriləcəyi dövrdə, müəyyən olunmuş yerlərdə 41 Təcili Tibbi Yar...

Jurnalistlər üçün pulsuz müayinə keçiriləcək

Milli Mətbuatın 144-cü ildönümü ilə bağlı Apifioterapiya Mərkəzi ilə Parlament Jurnalistlər Birliyi birgə layihə həyata keçirəcək. Bu barədə Apifiote...

Azərbaycan futbolu tarixində yeni rekord - 6:0 hesablı qələbə

“Neftçi” komandası Azərbaycanın futbol tarixinə düşüb. “Ağ-qaralar” ölkəmizə 1994-cü ildən çıxış etdiyi avrokuboklarda ən böyük hesablı qələbəsini...

FaceApp istifadə edirsiniz? bəs bu proqram haqda nə bilirsiniz?

Bir zamanlar Pokemon Qo məşhurlaşdığı kimi, indi də FaceApp adlı bir tətbiq sosial şəbəkə istifadəçiləri arasında çox populyar olub. Aralarında aktyo...