15.04.2019

Bu gün Alla Puqaçovanın 70 yaş yubileyidir

2009-cu ildə Azərbaycan Prezidenti İlham Əliyev onu Dostluq» ordeni ilə təltif edib

Sovet-rus müğənnisi və aktrisası, SSRİ Xalq artisti Alla Puqaçovanın 70 yaşı tamam olur. Rusiya Prezidenti Vladimir Putin də müğənnini yubiley münasibəti ilə təbrik edib.

Qeyd edək ki, Alla Puqaçova 1949-cu il aprelin 15-də Moskvada anadan olub. 1965-ci ildə orta məktəbi bitirən Puqaçova səhnə fəaliyyəti ərzində yüzlərlə uğurlu konsert verib, müxtəlif mükafatlara layiq görülüb. 1966-1967-ci illərdə «Yunost» radiostansiyasının təbliğat briqadasının tərkibində Tümenə ilk qastrol səfərinə çıxıb. A.Puqaçova zəmanəmizin ən istedadlı və məşhur estrada sənətçiləri sırasında özünəməxsus yer tutub.

Müğənninin 60 illiyi ərəfəsində «Gənc qvardiya» nəşriyyatı Aleksey Belyakovun yubilyara həsr olunmuş «Bioqrafiya davam edir» kitabını nəşr edib. Kitabda Alla Puqaçovanın həyat və yaradıcılığının çox sayda maraqlı məqamı yer alıb.

2009-cu ildə Azərbaycan Prezidenti İlham Əliyev Alla Puqaçovanı «Dostluq» ordeni ilə təltif edib. O, bu mükafata Azərbaycan Respublikası və Rusiya Federasiyası arasında mədəni əlaqələrin inkişafında göstərdiyi xidmətlərə görə layiq görülüb.

Mənbə sputnik.az


Digər xəbərlər


Bakı yenə bayram abu-havasına bürünəcək - Atəşfəşanlıq və konsert olacaq

Konsertdə Azərbaycanın populyar qrupları çıxış edəcək Mayın 10-da Heydər Əliyev Mərkəzinin parkında Azərbaycan xalqının ümummilli lideri Heydər Əl...

Nəsimi Festivalı Avropa Festivallar Assosiasiyasına üzv olub

Nəsimi — şeir, incəsənət və mənəviyyat Festivalı Avropa Festivallar Assosiasiyasına üzv olub. Bu, Azərbaycandan Avropa Festivallar Assosiasiyas...

Hacı Zeynalabdin Tağıyevin heykəli burada ucaldılacaq

Müsabiqədə landşaft memarlığı, bağça-park və şəhər heykəltəraşlığı sahələrində işləyən peşəkar heykəltəraşlar iştirak edə bilərlər Mədəniyyət Nazi...

“İçərişəhər” Dövlət Tarix-Memarlıq Qoruğu İdarəsi insanların narahatlığını əsassız adlandırdı

“İçərişəhər” Dövlət Tarix-Memarlıq Qoruğu İdarəsi sosial şəbəkələrdə yer alan iddialara münasibət bildirib İdarədən bildirilib ki, sosial şəbəkələ...