30.05.2019

Almaniya kəşfiyyat orqanı İranla bağlı ciddi xəbərdarlıq etdi: “Kütləvi qırğın silahı əldə etməyə çalışır”

Almaniyanın xüsusi xidmət orqanlarının hazırladığı kəşfiyyat hesabatı İranın kütləvi qırğın silahı əldə etməyə çalışdığını göstərir.

Bu barədə xəbəri Amerikanın “FOX NEWS” telekanalı Almaniya Kəşfiyyat Xidmətinin Bavariya vilayətində yerləşən mərkəzinə istinadən yayıb.

Məlumata əsasən, 335 səhifəlik müfəssəl kəşfiyyat hesabatında İranın nüvə və kütləvi qırğın silahı əldə etmək istiqamətində göstərdiyi cəhdlər qeyd edilib.

“İran klassik silahlardan əlavə, kütləvi qırğın silahları da əldə etmək üçün əlindən gələni edən təhlükəli ölkədir”- sənəddə vurğulanır.

Hesabatda İranın sahib olmağa çalışdığı kütləvi qırğın silahlarının növünün nüvə, bioloji və kimyəvi silahlar olduğu deyilir.

Almaniya xüsusi xidmət orqanı sənəddə qeyd edir ki, İran və Şimali Koreya bu silahların istehsalı üçün tələb olunan texnologiya və hissələri əldə etmək üçün Almaniya kimi, qabaqcıl texnologiyalara sahib olan ölkələrlə ticari əməkdaşlıq qurmağa can atırlar.

Hesabata əsasən, ötən il Almaniya polisi bu istiqamətdə İranla əməkdaşlıq edən 1 Malayziya şirkətinin Bavariyada yerləşən ofisinin müdirini həbs edib. Onun Almaniyadan İrandakı qeyri-müəyyən müştəriyə elektron-şüa qaynaq maşını göndərməyə çalışarkən saxlandığı deyilir. İrandakı müştərinin dövlət orqanlarından biri olduğu və Malayziya şirkətinin onun adını gizlətmək üçün çox səy göstərdiyi bildirilir.

Mənbə gunaz.tv


Digər xəbərlər


İranla bağlı son 48 saat! ABŞ yeni qərar verəcək

ABŞ İrana qarşı yeni sanksiyalarını 48 saat ərzində elan edəcək. Bunu ABŞ Prezidenti Donald Tramp deyib. “Biz İrana qarşı hansısa sanksiyalar t...

Ermənistanda bərqərar olan Nikol Paşinyan hökuməti dağılır

Bu barədə “Atlas” Araşdırmalar Mərkəzinin rəhbəri Elxan Şahinoğlu Ermənistandakı vəziyyəti şərh edərkən bildirib. O xatırladıb ki, bu həftə Ermənista...

BMT-nin Baş Assambleyasının yeni sədrindən bəşəriyyətin gələcəyi ilə bağlı ÇAĞIRIŞ!

BMT-nin Baş Məclisi müntəzəm olaraq, 74-cü sessiyasını Nyu Yorkdakı qərargahında keçirib. BMT-nin Baş Məclisinin sədri Tijani Muhammad-Bande plena...

Yerevanda aksiya başlanıb - "Qələbə! Robert Koçaryanı ittiham etdilər!"

Daha əvvəl Yerevan məhkəməsi Ermənistanın sabiq prezidenti Robert Koçaryanın həbsdə saxlanılmasına dair qərar qəbul edib Yerevanda bir qrup şəxs ş...