31.05.2019

İranın ABŞ boyda dərdi olsa da, Azərbaycana qarşı pisliyindən yenə də qalmır

İranın “Sepah”a məxsus “Təsnim” xəbər agentliyi başda olmaqla, bir neçə media qurumu Avropa Liqasının Bakıda keçirilmiş final oyunu ilə əlaqədar qərəzli məqalələr dərc ediblər.

“Təsnim” agentliyində çıxmış xəbərdə bildirilir ki, guya öz sevimli komandalarına dəstək olmaq üçün Azərbaycana gəlmiş Arsenalın iki azarkeşi “Bakıda erməni yarımmüdafiəçi Henrix Mxtryanın formasını geyindikləri üçün polis tərəfindən müvəqqəti olaraq saxlanılıblar”.

Agentlik bununla bağlı Arsenal komandasının tərəfdarlarının sosial şəbəkələrdə videolar yaydığını iddia etsə də, nədənsə o videoları oxuculara təqdim etməyib.

“Təsnim” Henrix Mxtryan Bakıya gəlməməsinin səbəbini “Azərbaycan ilə Ermənistan arasında mövcud olan siyasi məsələlər” kimi dəyərləndirib. İran hökuməti və mediasının hər zamanki xislətinə uyğun olaraq, “Təsnim” bu yazıda da Azərbaycanın haqlı mövqeyini, torpaqlarının 20%-dən çoxunun Ermənistan tərəfindən işğalı faktını, eləcə də müsəlman azərbaycanlıların ermənilər tərəfindən qətliamını və Mxtryan məsələsinin Ermənistan tərəfindən öz cinayətlərini ört-basdır etmək, erməniləri “azərbaycanlılar tərəfindən daim təhdidlərə məruz qalmış xalq” kimi göstərmək üçün siyasi alət kimi ortaya atıldığı qeyd etmir, bunu “siyasi məsələlər” kimi qələmə verir. Bütün bunlar bir kənara, bu addım İran agentliklərinin də Ermənistan rəhbərliyinin Henrix Mxtryan vasitəsi ilə Azərbaycan və azərbaycanlılara qarşı apardığı çirkin kampaniyaya qoşulduğunu isbat edir.

İran agentliklərinin dediklərinin əksinə olaraq, Qərb media orqanlarında yayımlanmış sözügedən videoda Azərbaycan polisi dənizkənarı bulvarda gəzən turistlərə yaxınlaşıb, onlardan nə isə soruşur. Burada polisin futbol azarkeşlərini saxlamağından söhbət belə gedə bilməz. Bütün bu proses isə 7-8 saniyə çəkib. Daha sonra polislər onlardan üzr istəyərək, uzaqlaşırlar. Qərb media orqanlarında dərc edilən materiallarda video ilə bağlı bildirilir ki, “Azərbaycan polisi turistlərə təhlükəsizlik qaydaları ilə bağlı məsləhət verir”.

“Təsnim” agentliyi dərc etdiyi digər xəbərdə “Bakıda finala hazırlığın aşağı səviyyədə” olduğuna diqqət çəkməyə çalışıb. Belə ki, agentliyin iddiasına görə, gələn turistlərin çoxunu yerləşdirmək üçün “otellərdə boş yer tapılmayıb”. Buna görə də, “onlar məcbur qalıb, 2-3 qat çox pul ödəyərək, kirayə evlər tutublar və ev sahibləri də fürsətdən istifadə edərək, qiymətləri kifayət qədər qaldırıb”.

Agentliyin yazdıqlarının əksinə olaraq, final oyununa gələn turistlərin hamısı Bakıya gəlməmişdən öncə otellərdə öz otaqlarını rezerv ediblər və onların yerləşdirilməsi ilə bağlı heç bir problem olmayıb. Futbol azarkeşlərinin şəxli evlərdə yerləşdirilməsi ilə bağlı isə heç bir hal qeydə alınmayıb.

Lakin dünyanın bir çox ölkələrində olduğu kimi, Azərbaycanda da turistlərə qalmaq üçün kirayə evlər təklif olunur. Vəsaitinə qənaət etmək istəyən qonaqlar öz seçimləri əsasında bu evləri “Təsnim”in iddia etdiyi kimi, “2-3 dəfə baha qiymətlər”lə deyil, otel qiymətlərindən dəfələrlə ucuz kiralamaqla, onlarda qala bilərlər.

Mənbə gunaz.tv


Digər xəbərlər


Putinlə Ərdoğan görüşdü - Müzakirə olunan məsələlər

Türkiyə prezidenti Rəcəb Tayyib Ərdoğanla Rusiya prezidenti Vladimir Putin görüşüb. Gülüstan.info xəbər verir ki, bu barədə Türkiyənin prezident a...

İlham Əliyev Romanın meri ilə görüşdü - FOTOLAR

Azərbaycan Respublikasının Prezidenti İlham Əliyev fevralın 21-də Roma şəhərinin meri xanım Vircinia Raggi ilə görüşüb. Gülüstan.info xəbər verir ...

Rusiyadan Türkiyəyə ittiham - Foto, video sübüt təqdim etsinlər

«İdlibdə baş verən atışmalar nəticəsində Suriya-Türkiyə sərhəddinə yüz minlərcə insanın qaçması yalandır». Gülüstan.info xəbər verir ki,...

Prezident Ərdoğan bu gün İdliblə bağlı Putinlə görüşəcək

Prezident Rəcəb Tayyib Ərdoğan, cümə namazını Hz. Əli Məscidində qılıb. Namazdan sonra mətbuat mənsublarının suallarını cavablandıran Prezident Ərdoğ...