24.06.2019

AŞPA-da erməni təxribatı — Foto

Avropa Şurası Parlament Assambleyasının (AŞPA) Miqrasiya, qaçqınlar və məcburi köçkünlər Komitəsinin iclası zamanı erməni deputatların təxribatının qarşısı alınıb. 

Ermənistandan olan deputat Naira Zohrabyan qurumun yay sessiyası çərçivəsində Azərbaycan tərəfini səhv rəqəmlər təqdim etməkdə günahlandırmağa səy göstərib. 

Ancaq toplantının sədri ermənistanlı deputatı qəzəblənməməyə, təmkinini qorumağa çağırıb. O həmçinin N.Zohrabyanı sual-cavab formatına riaət etməyə dəvət edib.

Avropada öz ölkələrindən məcburi köçkün düşmüş insanların ehtiyacları və humanitar hüquqlarına dair hesabatın müəllifi Killion Munyama isə erməni deputata cavab olaraq Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi sədrinin müavini Fuad Hüseynovun iclasda azərbaycanlı qaçqın və məcburi köçkünlərlə bağlı təqdim etdiyi rəqəmləri təsdiqləyib. 

O, Dağlıq Qarabağ və ona bitişik 7 rayondandan məcburi köçkün düşmüş insanların sayının 600 min olduğunu bildirib. K.Munyama Dağlıq Qarabağ və ətrafındakı 7 rayonun tamamilə azərbaycanlıların yaşadığı şəhərlər olduğunu xüsusi vurğulayıb.

Hesabat müəllifi ermənistanlı deputat T.Hayrapetyanın Dağlıq Qarabağda yaşayan ermənilərin fikrinin öyrənilmədiyi, sənədin hazırlanmasında onların iştirak etmədiyi ittihamını da əsassız adlandırıb. O, hesabatın 4 ölkənin məcburi köçkünlərinə, habelə azərbaycanlı məcburi köçkünlərə həsr edildilyini, Dağlıq Qarabağda yaşayan ermənilərin bura heç bir aidiyyəti olmadığını bildirib.

Mənbə report.az


Digər xəbərlər


Putinlə Ərdoğan görüşdü - Müzakirə olunan məsələlər

Türkiyə prezidenti Rəcəb Tayyib Ərdoğanla Rusiya prezidenti Vladimir Putin görüşüb. Gülüstan.info xəbər verir ki, bu barədə Türkiyənin prezident a...

İlham Əliyev Romanın meri ilə görüşdü - FOTOLAR

Azərbaycan Respublikasının Prezidenti İlham Əliyev fevralın 21-də Roma şəhərinin meri xanım Vircinia Raggi ilə görüşüb. Gülüstan.info xəbər verir ...

Rusiyadan Türkiyəyə ittiham - Foto, video sübüt təqdim etsinlər

«İdlibdə baş verən atışmalar nəticəsində Suriya-Türkiyə sərhəddinə yüz minlərcə insanın qaçması yalandır». Gülüstan.info xəbər verir ki,...

Prezident Ərdoğan bu gün İdliblə bağlı Putinlə görüşəcək

Prezident Rəcəb Tayyib Ərdoğan, cümə namazını Hz. Əli Məscidində qılıb. Namazdan sonra mətbuat mənsublarının suallarını cavablandıran Prezident Ərdoğ...