12.06.2019

“Ermənistan Rusiyadan bu günə kimi heç bir silah almayıb” — DEPUTAT

Elman Məmmədov: “Rusiya çar dönəmindən erməniləri silahlandırmaq və qorumaqla məşğuldur”

Rusiyanın Ermənistanı silahlandırması, işğalçı ölkəyə müasir artilleriya sistemləri, qırıcı təyyarələr və s. verməsi torpaqları işğal altında olan Azərbaycanda daim narahatlıqla qarşılanan məsələlərdən biridir. Paşinyanın bir müddət bundan öncə Rusiyadan yeni silahalr alacağı ilə bağlı məlum bəyanatı isə bu narahatlığı bir qədər də artırmaqdadır.

Məsələ ilə bağlı açıqlama verən millət vəkili Elman Məmmədov Ermənistanın Rusiyadan silah alacaq qədər vəsaitinin olmadığını, bu silahların zaman-zaman düşmən ölkəyə qarşılıqsız olaraq verildiyinə diqqət çəkdi:

“Ermənistan Rusiyadan bu günə kimi heç bir silah almayıb. Bu gündən sonra da Ermənistan Rusiyadan heç bir silah almayacaq. Onlara silahı hər zaman Rusiya özü verib və bundan sonra da verəcək. Ermənistanın guya bu silahları alması ilə bağlı deyilənlər gözə kül üfürməkdən başqa bir şey deyil. Ermənistanın silah alacaq maddi gücü yoxdur. Rusiya tarix boyu, çar Rusiyası dönəmində də erməniləri silahlandıraraq qoruyub. Sovetlər İttifaqında da onları silahlandırıb qoruyub. Rusiya bu gün də eyni işi görür. Bu, bizim üçün yeni bir şey deyil.

Rusiyanın müsir silahlarla silahlanmış böyük bir ordusu Ermənistan ərazisində yerləşir. Onlar Ermənistanın sərhədlərini, eləcə də hava məkanını qoruyur. Erməniləri lazımi silah-sursatla təmin edir. Reallıq bundan ibarətdir”.

Mənbə moderator.az


Digər xəbərlər


Həyat Tərzini Dəyiş - Təlim proqramı

Advanced Education və AIESEC birgə təlim proqramı keçirir. “Change Your Lifestyle – Həyat Tərzini Dəyiş” təlim proqramı, beynəlxalq təlimçilər tərəfi...

Polisdən dilənçilərlə bağlı xəbərdarlıq

Bakı şəhər Baş Polis İdarəsi əhaliyə dilənçilərlə bağlı xəbərdarlıq edib. Məlumatda deyilir: «Paytaxtda dilənçilik həyat tərzi keçirən qadını...

İrana işləyən hərbi tərcüməçi ifşa edilib

Almaniyada hərbi tərcüməçiyə İrana işləməklə bağlı ittiham irəli sürülüb. Xarici mediaya istinadən xəbər verir ki, Almaniya Federal prokurorluğu...

Elon Mask-dan şok TƏKLİF

Marsa nüvə zərbəsinin endirilməsi bu planeti insanların yaşaması üçün əlverişli hala gətirər. Bu sözləri “Speys X” şirkətinin yaradıcısı Elon Mask...