12.06.2019

Opera və Balet Teatrında «Leyli və Məcnun»nun növbəti tamaşası keçiriləcək

İyunun 19-da Azərbaycan Dövlət Akademik Opera və Balet Teatrında Üzeyir Hacıbəylinin «Leyli və Məcnun» operasının növbəti tamaşası keçiriləcək.

Teatrdan verilən məlumata görə, budəfəki tamaşa Azərbaycan teatr sənətinin görkəmli nümayəndəsi, peşəkar musiqili teatrın yaradıcılarından biri, Xalq artisti Hüseynqulu Sarabskinin 140 illik yubileyinə həsr olunub.

Məlum olduğu kimi H.Sarabski Azərbaycan Opera və Balet Teatrının solisti kimi bu teatrın səhnəsində bir sıra tamaşalarda çıxış etmiş, Məcnun («Leyli və Məcnun»), Kərəm («Əsli və Kərəm»), Sərvər («O olmasın, bu olsun»), Şeyx Sənan («Şeyx Sənan»), Qərib («Aşıq Qərib»), Şah İsmayıl («Şah İsmayıl») və b. partiyaların ən yaxşı ifaçılarından biri olmuşdu.

Görkəmli sənətkarın xatirəsinə həsr olunmuş tamaşada əsas partiyaları əməkdar artistlər Arzu Əliyeva (Leyli), İlkin Əhmədov (Məcnun), Cahangir Qurbanov (Nofəl), solistlər Aytən Məhərrəmova (Leylinin anası), Nurlan Namazov (İbn-Səlam), Taleh Yahyayev (Leylinin atası), Afaq Ağayeva (Məcnunun anası), Mütəllim Dədmirov (Məcnunun atası) və b. ifa edəcəklər.

Mənbə trend.az


Digər xəbərlər


Heydər Əliyev Fondunun vitse-prezidenti Leyla Əliyeva Moskvada Azərbaycan Mədəniyyəti Günündə iştirak edib - Yenilənəcək

İyunun 24-də Moskvada Azərbaycan Mədəniyyəti Günü keçirilib. Tədbir Rusiyanın Azərbaycanlı Gənclər Təşkilatı (RAGB) tərəfindən bu qurumun 10 münasibə...

Tariximiz getdikcə erməniləşir - Laçında daha bir Azərbaycan məbədinin erməni kilsəsi kimi açılışı oldu - FOTOLAR

Azərbaycanın 27-ci ildir ki, işğal altında qalan Laçın rayonunun Hoçaz kəndində sülənən ermənilər daha bir tarixi məbədimizi abadlaşdıraraq öz kilsə...

Azərbaycanın Xalq şairi Nigar Rəfibəylinin doğum günüdür

Bu gün Azərbaycanın Xalq şairi Nigar Rəfibəylinin doğum günüdür. XX əsr Azərbaycan poeziyasının ictimai fikir tarixində özünəməxsus yeri olan qadın ş...

Merilin Monronun heykəli oğrulandı

Hollivudun şöhrət küçəsində yerləşən və ən çox şəkli çəkilən heykəlin taleyi naməlum olaraq qalır. lavanguardia.com saytına istinadən xəbər verir ...