12.06.2019

Rusiya 4 günlük iş həftəsinə keçmək istəyir

Həftədə az işləmək məhsuldarlığı artırır, stresi azaldır

Rusiyanın Baş Naziri Dmitri Medvedev iş həftəsinin gələcəkdə dördgünlük ola biləcəyini bildirib.

RİA Novosti-yə istinadən xəbər verilir ki, o, bunu Beynəlxalq Əmək Konfransında çıxışı zamanı deyib.

«Texnoloji proses yalnız iş yerlərinin yox, həmçinin iş saatlarının ixtisarına və asudə vaxtın artmasına gətirib çıxarır. Çox güman ki, gələcəkdə dördgünlük iş həftəsi sosial-əmək müqaviləsinin əsasını təşkil edəcək», — deyə Medvedev bildirib.

Baş Nazir xatırladıb ki, bir əsr əvvəl Henri Ford iş həftəsini 48 saatdan 40 saata qədər ixtisar edərək əmək məhsuldarlığında heyranedici artıma nail olmuşdu.

Medvedev daha yeni bir nümunəni misal gətirib: Yeni Zelandiyada bir şirkət üç ödənişli istirahət günü olmaqla dördgünlük iş həftəsini tətbiq edib.

Onun sözlərinə görə, nəticədə bir saat iş vaxtı üçün məhsuldarlığın artımı təxminən 20 faiz təşkil edib və işçilərin stres səviyyəsi əhəmiyyətli dərəcədə azalıb.

«Təbii ki, bütün bunlara dair hələ ciddi diskussiyalar aparılmalıdır – bunlar çox qəliz, axıra qədər tədqiq edilməmiş ideyalardır», — deyə Medvedev bildirib.

Məsələyə aydınlıq gətirən Baş Nazirin müavini Tatyana Qolikova konfransın kuluarlarında jurnalistlərə deyib ki, dördgünlük iş həftəsinə keçid əmək qanunvericiliyi də daxil olmaqla ciddi dəyişiklər tələb edəcək.

Mənbə sputnik.az


Digər xəbərlər


Dünya universitetlərinin reytinqi bəlli oldu

Ötən həftə, avqustun 16-da Şanxay Reytinq Konsultasiya şirkəti “Dünya Universitetlərinin 2019-cu il üçün Akademik Reytinqi”ni açıqlayıb. 2003-cü ildə...

Neftçilər metrosu ətrafındakı tıxac nə zaman bitəcək?

Vaqif Əsədov: “Sürücülər yol hərəkətində şəxsi mənafelərini üstün tutmamalıdırlar. Yol hərəkəti iştirakçıları öz məsuliyyətlərini dərk etmək istəmirl...

Metropoliten xəttə əlavə 4 qatar buraxacaq

Sentyabrın 16-da ölkədə yeni tədris ilinin başlaması ilə bağlı «Bakı Metropoliteni» QSC yeni iş qrafikinə keçir. Bu barədə Trend-ə açıql...

Quba və Şabranda yanğın hələ də davam edir (Foto + Video)

Şabran və Quba rayonları sərhədindəki kolluq ərazilərdə başlayan yanğın davam edir. Yanğının söndürülməsi üçün cəlb olunan Fövqaladə Hallar Nazirl...