28.06.2019

Tesla şirkətinin gizli layihəsi ortaya çıxdı

Tesla şirkəti Frimontdakı avtomobil zavodunun yanındakı müəssisədə elektromobillər üçün gizli şəkildə özünün batareyalarının yaradılması üzərində çalışır. Bu barədə CNBC saytına istinadən Vc.ru saytı xəbər verib.

Qeyd etmək lazımdır ki, Frimontdakı zavodda şirkət Model SModel X və Model 3 elektromobillərini istehsal edir. Onlar üçün olan batareyalar isə Nevadadakı Gigafactory adlı zavodda istehsal olunur. Bu zavoddan Panasonic şirkəti ilə birlikdə istifadə edilir. Məlumata əsasən, Tesla şirkətinin tədqiqat komandasının əməkdaşları litium-ion batareyalarının prototipi və elektromobil hissələrinin irimiqyaslı istehsalına imkan verəcək təchizatın yaradılması üzərində çalışırlar.

Bu ilin may ayında şirkət batareya istehsalı ilə məşğul olan mühəndislər üçün vakansiyalar yerləşdirmişdi. Öz batareyaların yaradılması ilə Tesla şirkəti daha ucuz və yüksək performanslı elektromobillər təklif edə bilər. Bununla yanaşı şirkət öz partnyorları ilə resurs və texnologiyaları bölüşməmək hüququna da sahib ola bilər. Lakin CNBC-nin fikrincə əgər Tesla öz layihəsini vaxtında reallaşdırsa belə çətin ki, o, yaxın zamanda Panasonic və digər şirkətlər ilə əməkdaşlığın dayandırılmasını qərara alsın. Məlumata əsasən Tesla şirkəti Panasonic və LG şirkətləri ilə əməkdaşlıq edəcək.

 Həmin şirkətlər Şanxayda istehsal olunacaq Model 3 elektromobil modelləri üçün batareyaları istehsal edəcəklər. Bu ilin yanvar ayında Panasonic Toyota ilə birlikdə elektromobil batareyalarının birgə istehsalını anons etmişdi. Bu iki şirkət bunun üçün ortaq müəssisə yaradacaq. Həmin müəssisənin 51%-i Toyota şirkətinə 49%-i isə Panasonic şirkətinə məxsus olacaq. Aprel aynda isə Panasonic şirkəti elan etmişdi ki, o, müəyyən müddətlik Tesla Gigafactory zavoduna investisiyaları dayandıracaq. Bu səbəbdən Tesla şirkətinin CEO-su Elon Musk isə Model 3 elektromobil modelinin istehsalat tempinin aşağı salınmasında Panasonic şirkətini günahlandırmışdı.

Mənbə technote.az


Digər xəbərlər


Beynəlxalq Bankdan "oğurlanan" 1 milyarda yaxın pulun izi harada itirilib? - FAKTLAR

Tanınmış vəkil Adil İsmayılov «Beynəlxalq Bank işi» ilə bağlı növbəti sensasion yazısını yazıb.  Qaynarinfo həmin yazını təqdim edir: ...

Yeni "Samsung Galaxy Note 10" smartfonu artıq satışda

«Samsung Electronics» avqustun 23-də yeni flaqman smartfonu «Galaxy Note 10″u 70 ölkədə satmağa başlayıb. TASS-a istinadən xə...

Huawei ABŞ sanksiyalarına qarşı bu cür silahlanır - Mühəndislərdən ibarət xüsusi komandalar yaradır

ABŞ sanksiyalarının yenidən təxirə salınmasına baxmayaraq Huawei şirkətinn yaradıcısı Ren Zhengfei şirkət əməkdaşlarını yeni layh...

Azərbaycanda yeni fabrik tikilir - Foto

Xalça istehsalı kompleks istehsal sahəsidir. Bu sahənin inkişafını  Yunəyirici-Boyaq Fabriki olmadan təsəvvür etmək mümkün deyil. Xalça isteh...