02.07.2019

ABŞ hökuməti «Huawei» şirkətinə qarşı hələ də yumşalmaq istəmir

Ağ Evin təmsilçisi bir neçə gün bundan öncə ABŞ prezidenti Donald Trump-ın Huawei şirkətinə qarşı təyin edlmiş qadağaların aradan qaldırılması barəsində verdiyi bəyanatlara açıqlama verib. Qeyd etmək lazımdır ki, bir neçə gün bundan öncə G20 adlı “Böyük İyirmilik” görüşməsi çərçivəsində Donald Trump Çin ilə ortaq razılaşmanın əldə olunduğunu və ABŞ şirkətlərinə öz məhsullarını Huawei şirkətinə satmağa icazə verdiyini bildirmişdi.

İndi isə məlum olub ki, hər şey heç də bu qədər asan deyil. Bu barədə Reuters saytına istinadən 4pda saytı xəbər verib. ABŞ prezidenti Donald Trump-ın verdiyi bəyanatlar ABŞ şirkətlərinin Huawei ilə əməkdaşlıqlarına qoyulmuş qadağanın tamamilə aradan qaldırılması kimi qiymətləndirilmişdi. Belə ki, prezident ABŞ istehsalı olan məhsulların Huawei Şirkətinə satılmasına icazə vermişdi. İndi isə Donald Trump administrasiyasının təmsilçisi bu məsələ ilə bağlı detalları aydınlaşdırıb.

“Sadəcə olaraq şirkətin ehtiyac duyduğu ümumi komponentlərin alışı üçün əlavə lisenziyalar təqdim olunacaq. Mikroçip istehsalı ilə məşğul olan ABŞ şirkətləri əsasən öz məhsullarını digər ölkələrdə də satırlar. Milli təhlükəsizlik məsələsi əvvəlcədən də olduğu kimi ilkin növbədə qalacaq” — deyə Ağ Evin təmsilçisi bildirib. O həmçinin qeyd edib ki, Donald Trump-ın bəyanatları hələki yekun bəyanatlar deyil. Hər iki tərəf danışıqlar apararaq ortaq məxrəcin əldə olunmasına çalışacaqlar.

Mənbə technote.az


Digər xəbərlər


Elon Musk bu ölkədə Gigafactory zavodu inşa edəcək

Tesla şirkətinin təsisçisi və CEO-su Elon Musk bildirib ki, 4-cü Gigafactory zavodu Berlində inşa ediləcək. Həmin zavodda hə...

Facebook-da 5,4 milyard "fake" hesab silindi

Facebook administrasiyası bu il ərzində bir neçə dəqiqədə yaradılan 5,4 milyard “fake” (saxta) hesabı silib. Bu barədə elə sözügedən sosial media ...

Ermənilər Kəlbəcərimizin qızılından milyonlar qazanır

Ermənistan 2019-cu ilin yanvar-avqust aylarında Rusiyaya 140,9 milyon dollar dəyərində qiymətli metal satıb. Bu barədə “FinExpertiza” audit-konsal...

Alibaba endirim etdi və 1 dəqiqə 8 saniyəyə 1 milyard qazandı

2009-cu ildən bəri Alibaba şirkəti hər il 11 noyabr tarixində subaylar günü münasibətilə özünün AliExpress və digər online mağazaların...