18.07.2019

Amerikada bu dəfə bütün iranlı diplomatların hərəkətinə məhdudiyyət qoyuldu

Rəsmi Vaşinqtonun Amerikada fəaliyyət göstərən bütün iranlı diplomatlar və onların ailələrinin bu ölkədə hərəkətinə məhdudiyyətlər tətbiq etdiyi barədə xəbərlər yayılıb

Məlumatlarda qeyd edilir ki, ABŞ İranın Birləşmiş Millətlər Təşkilatı yanında daimi nümayəndəliyinə məktub göndərib. Məktubda diplomatlardan və onların ailələrindən BMT-yə gedən yollardan, İranın təşkilatdakı nümayəndəliyindən, İran səfirinin yaşadığı ərazi və Con Kennedi hava limanından başqa digər ərazilərə getməmələri istənilir. Qeyd etmək lazımdır ki, İranın BMT-də yanındakı nümayəndəliyində 13 diplomat fəaliyyət göstərir.

Diplomatların gedə biləcəkləri yer kimi müəyyənləşdirilən bu ərazilər İranın xarici işlər naziri Məhəmməd Cavad Zərifin Nyu-Yorka etdiyi son səfər zamanı  ABŞ-ın tətbiq etdiyi məhdudiyyətlərin tərkib hissəsidir.

Qərarla bağlı ABŞ Dövlət Departamentinin rəhbəri Mayk Pompeo bildirmişdi ki, amerikalı diplomatlar İrana gedə bilmədiyindən, iranlı diplomatların da bizim ölkədə ürəkləri istəyən yerlərə getməyi və azad şəkildə gəzməyi üçün bir səbəb yoxdur.

Məktubda həmçinin qeyd edilir ki, bu məhdudiyyətlər ABŞ-a səfərə gələn iranlı rəsmiləri də əhatə edir. İcazə verilmiş ərazilərdən başqa bir yerə nəzərdə tutulmuş yerə getmək üçün İran tərəfi azı 5 gün əvvəl ABŞ Dövlət Departamentinə müraciət etməli, daha sonra qurumun təsdiqini gözləməlidir. Bundan başqa, İranın BMT-dəki nümayəndəliyi ölkəsindən gələn rəsmilərin qalacaqları yer və ya otelə görə Dövlət Departamentindən icazə almalıdır.

Vaşinqton bildirir ki, bu məhdudiyyətlər ABŞ-la BMT arasında 1947-ci ildə imzalanmış müqavilənin müddəalarına əsasən tətbiq edilib. Sözügedən müqaviləyə görə, Amerika diplomatlara BMT-də fəaliyyət göstərməyə icazə verməlidir. Lakin ABŞ təhlükəsizlik, terrorizm və xarici siyasət məsələlərinə görə diplomatlara viza verməkdən imtina edə bilər.

Mənbə gunaz.tv


Digər xəbərlər


Qüds qırmızı xəttimizdir - Türkiyədən ABŞ və İsarilə bəyanat

Donald Trampın «Yüz ilin razılaşması» planına daha bir sərt reaksiya Türkiyədən gəlib. Gülüstan.info xəbər verir ki, Türkiyə Xarici İşlə...

Elmar Məmmədyarov Minsk Qrupunun həmsədrləri ilə görüşdü

Azərbaycanın Xarici İşlər naziri Elmar Məmmədyarov Cenevrədə ATƏT-in Minsk Qrupunun həmsədrləri ilə görüşüb. Gülüstan.info xəbər verir ki, bu barə...

Tramp sülh razılaşması adlandırdı, fələstinlilər etiraza başladı

ABŞ prezidenti Donald Tramp «Yüz ilin razılaşması» dedi, fələstinlilər etiraz üçün küçələrə çıxdı Gülüstan.info xəbər verir ki, ABŞ prez...

Əli Əsədov Artur Rəsizadənin qərarını ləğv etdi

Nazirlər Kabineti “Xüsusi rabitə növlərindən istifadə Qaydaları”nı təsdiq edib. Gülüstan.info xəbər verir ki, bununla bağlı qərarı Baş nazir Əli Ə...