01.07.2019

Apple şirkətinin ağlasığmaz gizli layihələri barəsində məlumat yayıldı

Apple şirkətinin baş dizayneri Jony Ive-ın şirkətdən ayrılması xəbərindən sonra internetdə onun daha öncədən üzərində çalışdığı gizli layihələr barəsində məlumatlar ortaya çıxmağa başladı. The Information saytı öz mənbələrinə istinadən Jony Ive-ın öz komandası ilə çalışdığı gizli Apple layihələrini ortaya çıxardıb. Bu barədə Macrumors saytına istinadən 4pda saytı xəbər verib. Beləliklə hesabatda qeyd olunub ki, Jony Ive bir neçə pilotsuz avotomobil dizaynının prototipini yaradıb. Həmin prototiplər barəsində məlumat çox azdır. İnsayderlərin sözlərinə əsasən həmin prototiplərdən biri ağac və dəri materialdan hazrlanmışdı.


Həmin dizaynın əsas üstünlüklərindən biri də avtomobilin tamamilə sükansız olması idi. Bu özəllik Jony Ive-ın təkidi ilə reallaşdırılmışdı. Məlumatda qeyd olunub ki, Ive avtomobilin idarəolunmsını Siri səsli köməkçisi vasitəsilə reallaşdırmaq istəyirdi. Bu konsepti Apple CEO-su Tim Cook-a sərgiləmək üçün həmçinin xüsusi aktrisa da layihəyə cəlb olunmuşdu. O, Siri səsli köməkçinin səsini imitasiya edərək şirkət rəhbərliyinin səsli əmrlərinə cavab verirdi. Tim Cook-un və digər şirkət menecerlərinin bu konseptə necə reaksiya verdikləri barəsində bir məlumat yoxdur. Lakin qeyd etmək lazımdır ki, bir neçə gün bundan öncə Apple şirkəti pilotsuz avtomobillər üçün idarəetmə sistemlərinin hazırlanması ilə məşğul olan Drive.ai adlı startapı aldı. Bu isə o deməkdir ki, şirkət hələ də özünün pilotsuz avtomobil layihəsi üzərində çalışır.

The Information saytının mənbələri həmçinin qeyd ediblər ki, Jony Ive Apple şirkəti üçün televizor dizaynı üzərində də çalışıb. Qeyd etmək lazımdır ki, bu cür televizor barəsində məlumatlar artıq uzun müddətdir ki, internetdə gəzir. Məlumatda qeyd olunub ki, sözügedən televizor minimalistik dizayna sahib olub və xarici görünüşcə şüşə parçasına oxşayıb. Həmçinin Jony Ive 2012-ci ildə Apple Watch smart saatının prototipini yaratmışdı. Yəni rəsmi təqdimatdan 3 il qabaq. Qeyd etmək lazımdır ki, Jony Ive 30 ilə yaxın Apple şirkətində çalışdı. Lakin o özünün LoveFrom adlı dizayn studiyasını açmaq niyyəti ilə şirkətdən ayrılmaq qərarını verdi.

Mənbə technote.az


Digər xəbərlər


Elon Musk bu ölkədə Gigafactory zavodu inşa edəcək

Tesla şirkətinin təsisçisi və CEO-su Elon Musk bildirib ki, 4-cü Gigafactory zavodu Berlində inşa ediləcək. Həmin zavodda hə...

Facebook-da 5,4 milyard "fake" hesab silindi

Facebook administrasiyası bu il ərzində bir neçə dəqiqədə yaradılan 5,4 milyard “fake” (saxta) hesabı silib. Bu barədə elə sözügedən sosial media ...

Ermənilər Kəlbəcərimizin qızılından milyonlar qazanır

Ermənistan 2019-cu ilin yanvar-avqust aylarında Rusiyaya 140,9 milyon dollar dəyərində qiymətli metal satıb. Bu barədə “FinExpertiza” audit-konsal...

Alibaba endirim etdi və 1 dəqiqə 8 saniyəyə 1 milyard qazandı

2009-cu ildən bəri Alibaba şirkəti hər il 11 noyabr tarixində subaylar günü münasibətilə özünün AliExpress və digər online mağazaların...