03.07.2019

HP, Dell və digər şirkətlər Çindən getməyə hazırlaşırlar

HP və Dell şirkətləri daxil olmaqla digər böyük texnoloji şirkətlər öz istehsalat güclərinin bir hissəsini Çindən köçürtməyi planlaşdırırlar. Bu barədə Nikkei saytına istinadən Vc.ru saytı xəbər verib. Məlumata əsasən HP ilə Dell şirkətləri özlərinin kompüter istehsalının 30%-ni Çindən kənara köçürtmək niyyətindədirlər. HP şirkəti yeni istehsalat yeri kimi Tayvan ilə Taylandı görür. İstehsalat gücünün köçürülməsinə artıq iyul-sentyabr aylarında start verilə bilər.

Dell şirkəti isə Vyetnamda və Filippinlərdə test məqsədli istehsalata artıq start verib. MicrosoftGoogleAmazonSony və Nintendo kimi şirkətlər də özlərinin bəzi oyun konsolları ilə ağıllı səsgücləndiricilərinin istehsalını Çindən köçürtməyi planlaşdırırlar. Həmçinin öz istehsalat gücünün bir hissəsinin köçürülməsi məsələsi Acer və Asustek Computer şirkətlərində də müzakirə olunur. Acer ilə Asustek Compter şirkəti təsdiq edib ki, onlar istehsalat prosesinin köçürülməsini nəzərdən keçirdirlər.

Dell şirkəti bu məsələyə rəy bildirməkdən imtina edərək qeyd edib ki, o, ABŞ ilə Çin arasındakı razılığın əldə olunacağına ümid edir. Digər şirkətlər də bu barədə nəsə deməkdən imtina ediblər. Nikkei saytının mənbələrinin məlumatlarına əsasən Apple şirkəti hələ bu ilin iyun ayında öz istehsalat gücünün 15-30%-nin Çindən köçürülməsini planlaşdırırdı. Şirkət yeni istehsalat yeri kimi Vyetnamı, Hindistanı, Meksikanı və digər ölkələri nəzərində tutub.

Bu ilin may ayında ABŞ prezidenti Donald Trump Çində istehsal olunan məhsullara 25% verginin tətbiq olunması barədə qərar qəbul etmişdi. Həmin məhsullara smartfonlar, planşetlər, noutbuklar, ana platalar, videokartlar və s. kimi məhsullar daxildir. Keçən ayın sonunda isə ABŞ ilə Çin liderləri öz aralarında ticarət sülhünün bağlanacağı barəsində şifahi razılıq əldə etmişdilər.

Mənbə technote.az


Digər xəbərlər


Manatın sabahkı məzənnəsi

Yanvarın 29-na manatın məzənnəsi açıqlanıb. Mərkəzi Bankdan Gülüstan.info-ya verilən məlumata görə, 29.01.2020-ci il tarixindən etibarən rəsmi məz...

Çindən Azərbaycana bu məhsullar gətirilməyəcək - RƏSMİ

Qida Təhlükəsizliyi Agentliyi (AQTA) respublika ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədilə Çin Xal...

Dövlət qurumlarının balansında olan avtomobillərin hərracı keçiriləcək

Azərbaycanda fevralın 25-də dövlət qurumlarının balansında olan avtomobillərin hərracı keçiriləcək. Gülüstan.info xəbər verir ki, bu dəfə Mərkəzi ...

Diri quş və quş məhsullarının idxalına QADAĞA

Azərbaycan Qida Təhlükəsizliyi Agentliyi (AQTA) başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məq...