12.07.2019

Nazirlik bazarlardakı süni qiymət artımına niyə nəzarət etmir?

Azərbaycan ikinci dəfə müstəqilliyini bərpa edəndən sonra planlı iqtisadiyyatdan özəl mülküyyət üzərində qurulmuş bazar iqtisadiyyatına keçib. Bazar iqtisadiyyatın üstün cəhətləri və öz tələbləri var. Yəni, bazar tələb və təklif üzərində qurulur. Bazarlarda qiymətlər də təklif və tələbə uyğun formalaşır. Təklif tələbdən üstün olanda, qiymətlərdə artım baş verir. Əksinə olanda isə qiymətlər aşağı düşür.

Bu gün mövsüm olmasına baxmayaraq, bəzi növ kənd təsərrüfatı məhsulların qiymətlərində keçən ilə nisbətən bahalıq müşahidə olunur. Məsələn, xiyar və pomidoru misal göstərmək olar. Bu məhsulların qiymətlərinin kəskin şəkildə ucuzlaşmamasının səbəbini də bazara kifayət qədər məhsulun təqdim olunmaması ilə əlaqələndirərdim.

Bunu Etikxeber.az-a açıqlamasında millət vəkili Azər Badamov bildirib.
Onun sözlərinə görə, bu il havaların yağışlı və dəyişkən keçməsi, lazımı qədər günəşin olmaması meyvə-tərəvəz mövsümünü də “gecikdirib”.
“Bu da bazarda məhsul bolluğunun yaranmasını çətinləşdirib. Düşünürəm ki, bir az müddət keçəndən sonra kənd təsərrüfatı məhsullarının qiymətlərində aşağı enməni müşahidə edəcəyik.

Burda qiymətə təsir göstərən süni amili də görürəm. Məhsulları bazarlara əsasən birbaşa fermərlər tərəfindən çıxarılmadığından, topdan ticarətlə məşğul olan işbazlar malları ucuz qiymətə alaraq, aldığı qiymətin üzərinə çox, hətta, iki dəfə artıq pul qoyaraq satışı həyata keçirirlər.
İqtisadiyyat Nazirliyi bu istiqamətdə monitorinqlər apararaq, belə işbazlara qarşı mübarizəni gücləndirsə, yaxşı olardı.

Həm də Kənd Təsərrüfatı Nazirliyinin nəzdində yaradılmış Aqrar ticarət təşkilatı da fəaliyyətini aktivləşdirərək, şəhərin ayrı-ayrı yerlərində pərakəndə satış nöqtələri ( köhnə koptyurkalar şəkilində) yaradaraq, oralarda ucuz qiymətə məhsulların satışını təşkil etsələr, bu,  bazarlarda qiymətlərin tənzimlənməsinə öz təsirini göstərər”-deyə, millət vəkili sözlərinə əlavə edib.

Mənbə moderator.az


Digər xəbərlər


Diqqət! Ünvanlı sosial yardımın alınması qaydaları dəyişir

Əmək və Əhalinin Sosial Müdafiəsi Nazirliyi tərəfindən hazırlanan “Ünvanlı dövlət sosial yardımın alınması üçün müraciət edilməsi, onun təyin olunma...

Ölkədə banklara olan inam niyə aşağıdır?

Ölkəmizdə vətəndaş bank münasibətlərində təbii ki, müəyyən problemli məqamlar mövcuddur.Bu sahədə  cəmiyyətdə banklara ,xüsusilə də özəl banklara ola...

Avtomobili olanlara ideal rahatlıq yaradıldı

Azərbaycanda avtomobil üçün etibarnamə telefonla veriləcək.Bu barədə FED.az-a Ədliyyə Nazirliyinin İnformasiya-Kommunikasiya Texnologiyaları İdarəsi...

Ölkəmizə gətirilən avtomobillərin sayı 2 dəfə artıb - SƏBƏB

Hesabat dövründə ölkəyə 27 825 ədəd əsasən adamların daşınması üçün nəzərdə tutulan minik avtomobilləri və digər motorlu nəqliyyat vasitələri idxal ...