23.07.2019

Türkiyədən ABŞ-a lazımlı cavab: «İncirlik» aviabazası…»

Biz yalnız öz maraqlarımız istiqamətində hərəkət edəcəyik və digər alternativləri axtaracağıq

 Türkiyə Rusiya istehsalı olan «S-400» zenit-raket komplekslərinin alınması ilə bağlı Ankaraya tətbiq olunacaq sanksiyalara cavab verə bilər. «RİA Novosti«yə istinadən xəbər verilir ki, bunu Türkiyənin Xarici işlər naziri Mövlud Çavuşoğlu bildirib.

«Əgər Birləşmiş Ştatlar sanksiya tətbiq etsə, biz lazımı cavabı verəcəyik. Ola bilsin ki, «İncirlik» aviabazası ilə bağlı addım atılsın. Bu nə təhdiddir, nə də şantaj. Bu mövcud şərtlərdə təbii mövqedir», — deyə Çavuşoğlu «TGRT» telekanalının efirində bildirib.

«Türkiyə özünün silah istehsalı sənayesinə ciddi yanaşır. Biz öz istehsalımız olan qırıcıları yaratmaq istəyirik. «F-35″lərin hazırlanmasında daha yeni texnologiyalar var, ona görə də biz proqramın tərəfdaşı olduq, 1,4 milyard dollar yatırdıq. Lakin hər şey pis ssenari ilə getsə və onları bizə verməsələr, «S-400″ məsələsində olduğu kimi öz defisitimizi bağlamaq hüququmuz var. Biz yalnız öz maraqlarımız istiqamətində hərəkət edəcəyik və digər alternativləri axtaracağıq», — deyə nazir qeyd edib.

Qeyd edək ki, daha əvvəl Birləşmiş Ştatlar «S-400» zenit-raket komplekslərinin tədarükünə görə Türkiyənin «F-35» qırıcılarının istehsalı ilə bağlı proqramdan çıxarılacağını bəyan edib. Ankaranın proqramdan çıxarılması prosesi 2020-ci ilin martında yekunlaşacaq.

Mənbə sputnik.az


Digər xəbərlər


Erməni qatil Qarabağla bağlı etiraf etdi - Video

Qondarma Qarabağ rejiminin “təhlükəsizlik şurası”nın keçmiş rəhbəri Vitali Balasanyan azərbaycanlılara qarşı milli zəmində cinayət törətməsini etira...

Ərdoğan sanksiyalara meydan oxudu

Suriyadakı antiterror əməliyyatına görə Türkiyəyə qarşı sanksiya tətbiq etmək niyyətində olan ölkələr bilməlidir ki, Ankaranı bununla qorxutmaq mümkü...

Ərdoğan “Barış pınarı”nı bitirmək üçün şərt qoydu

“Fransa Prezidenti Emmanuel Makrona Ruanda, Əlcəzairdə törədkikləri qətlimaları xatırladaraq dedim ki, yüz minlərlə insanı siz qətl edibsiniz: “Güzgü...

ABŞ-dan İrana hücum!

ABŞ İrana qarşı sentyabrın sonunda gizli kiberəməliyyat həyata keçirib. Bu məlumatı “Röyter” agentliyi yayıb. Məlumata görə, hücum Səudiyyə Ərəbis...