26.07.2019

Xaricdən mal idxal edən şirkətlərlərlə bağlı — Cərimələnmə ehtimalları azaldıla bilər

Mərkəzi Bankın İdarə heyətinin qərarı ilə təsdiq edilmiş “Azərbaycan Respublikasının rezidentlərinin xarici valyutada, habelə qeyri‐rezidentlərin milli və xarici valyutada əməliyyatlarının aparılması Qaydaları”na dəyişikliklərin edilməsi nəzərdə tutulur.

Bunu Mərkəzi Bankın sədri Elman Rüstəmov bildirib.

“Bir sıra investiya mallarının (məsələn avadanlıqların) istehsalı 270 gündən artıq müddətə davam edir. Təklif edilir ki, ölkəyə gətirilməsi avans ödənişi günündən 270 gündən çox çəkən bəzi mallara görə İqtisadiyyat Nazirliyindən xüsusi icazə alınsın. İdxalçı şirkət müqaviləsini İqtisadiyyat Nazirliyinə təqdim edəcək. Müqavilədə məhsulun istehsal müddəti göstərilməlidir. İqtisadiyyat Nazirliyi də bu barədə banklara məlumat göndərəcəkdir və mal 270 gündən gec idxal olunduğuna görə şirkət cərimələnməyəcək. Qalan hallar üçün 270 gün müddəti saxlanılacaqdır”.

Elman Rüstəmov qeyd etdi ki, idxalçılar xırda məbləğlərə görə cərimələnməyəcəklər. Bu barədə qaydlara dəyişiklik təklif edilib və Mərkəzi Bank bu dəyişikliyə də öz razılığını verib.

Hazırda qüvvədə olan Qaydalara görə, ödənişin aparıldığı gündən 270 gün müddətində malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənəd banka təqdim olunmalıdır. Həmin müddət ərzində mallar idxal edilmədikdə qabaqcadan ödənilmiş avans məbləği geri qaytarılmalıdır. Əks halda banklar sənədləri Palataya təqdim edir və yekunda idxalçı cərimələnir.


Bir sıra hallarda Azərbaycan şirkətlərinin sifariş verdiyi malların istehsalı 270 gündən artıq davam edir. Bu səbəbdən 270 gün müddətində malların ölkəyə idxalını təsdiq edən gömrük bəyannaməsinin banka təqdim edilməsi mümkün olmur. Nəticədə, şirkətlər özlərindən asılı olmayan səbəblərə görə cərimə ödəməli olurlar. Maliyyə Bazarlarına Nəzarət Palatasının protokoluna əsasən, məhkəmə, “avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına” görə idxalçı şəxsi cərimələyir.

Mənbə marja.az


Digər xəbərlər


Türkiyənin məşhur iş adamı Azərbaycanda böyük işlər görməyə qərar verib

“Biz qardaşıq, soyumuz birdir, eyni dildə danışırıq, eyni mətbəxə və mədəniyyətə sahibik” bunu Türkiyədə fəaliyyət göstərən “Nacsoft Yazılım” şirkəti...

Azərbaycanda YENİLİK - Hər bir işsizin "şəxsi kabinet"i olacaq

Bu ilin sonundan başlayaraq işsiz vətəndaşlar Əmək və Əhalinin Sosial Müdafiəsi Nazirliyinin yaratdığı vakansiya bazasından özləri üçün münasib işi s...

Apple-dan 3 arxa kameralı iPad Pro planşet modeli - FOTO

İnternetdə iPhone 11 Pro-dakı kimi 3 arxa kamera moduluna sahib yeni iPad Pro modelinin fotosu ortaya çıxıb. Sonny Dickson adlı insayder sözügedən p...

Azərbaycanda yeni üsulla kişmiş istehsal olunacaq

Kənd Təsərrüfatı naziri İnam Kərimov “Samux rayonunda meyvə qurusu istehsalı” müəssisəsinə baş çəkib. Bildirilib ki, bu layihənin yekun məhsulu ol...