01.08.2019

Tiflis şəxsi maraqlarına görə Bakını necə satır? — Şərh

Gürcüstanda dizel yanacağı standartı məsələsində rusiyayönlü dairələrin imzası müşahidə edilir.

Bu sözləri açıqlamasında gürcü politoloq Gela Vasadze deyib.

“Görünür, Rusiya biznesinin Gürcüstanda maraqları o qədər böyükdür ki, sol əlinin etdiyini sağ əlinin bilmədiyi hakimiyyət Azərbaycanla əməkdaşlığı zərbə altında qoymaq bahasına ona proteksionist dəstək göstərmək qərarı verib. Kimsə kiminləsə nəsə barədə razılaşıb və öz maraqlarına sahibdir”, – deyə o bildirib.

Vasadzenin sözlərinə görə, bu yeni tənzimləmə 2020-ci ildə yox, bir qədər gec tətbiq olunsaydı belə Gürcüstanın Avropa Birliyinə bundan sonrakı inteqrasiyasına heç bir zərər dəyməyəcəkdi:

“Brüssel bu məsələdə bir neçə il də gözləyə bilərdi və bu onun üçün kritik olmayacaqdı. Heç kim Tiflisi nəyəsə məcbur etməyəcəkdi. Görünən odur ki, bu, daha çox siyasi qərardır”.

Bakı ilə normal kommunikasiyanın olmamasından bəhs edən Vasadze Gürcüstanın növbəti hökumətinin bunun üzərində daha çox çalışmalı olacağını bildirib.

Qeyd edək ki, Gürcüstan 2020-ci ilin yanvarın 1-dən dizel yanacağıyla bağlı yeni standartlar müəyyən edib. Yeni tənzimləmələrə əsasən, Gürcüstanda Avro-4 dizel yanacağı Avro-5 dizel yanacağıyla əvəzlənəcək.

Ölkə mətbuatı və ekspertlər isə artıq bu qərara qarşı çıxıblar. Onların fikrincə, bu qərar sayəsində ölkənin dizel yanacağına olan tələbatının 40%-ni təmin edən Azərbaycan şirkətləri Rusiya şirkətləriylə əvəzlənəcək. Belə ki, Azərbaycanda Avro-5 standartıyla istehsal 2021-ci ildə başlayacaq.

Mənbə axar.az


Digər xəbərlər


İlham Əliyev İslam Əməkdaşlıq Təşkilatının Baş katibini qəbul edib

Azərbaycan Respublikasının Prezidenti İlham Əliyev avqustun 24-də İslam Əməkdaşlıq Təşkilatının Baş katibi Yusif bin Əhməd Əl-Osaymini qəbul edib. ...

Netanyahu İranla bağlı hərbiçilərə göstəriş verdi

İsrail Baş naziri Benyamin Netanyahu hərbçilərə İran təhdidinə qarşı fəaliyyət üçün bütün lazımı olan bütün tədbirlərin görülməsi üçün tapşırıq verib...

Azərbaycan qondarma Dağlıq Qarabağ rejiminin hesabatı ilə bağlı BMT-də məktub yayacaq

BMT-nin Nizamnaməsinə və təşkilatın müvafiq prosedur qaydalarına əsasən təşkilatın hər bir üzvü beynəlxalq ictimaiyyət üçün maraq kəsb etdiyini düşün...

Ərdoğan Kipr türklərinə bu cür sahib çıxdı

“Şərqi Aralıq dənizindəki karbohidrogen yataqlarındakı araşdırma fəaliyyətlərimizi davam etdirməkdə qərarlıyıq və bu qərarımızdan geri çəkilmək niyyə...