30.08.2019

Yeni tədris ili üçün xeyli məktəb istifadəyə veriləcək

Bu istiqamətdə həyata keçiriləcək tədbirlər təhsil infrastrukturunun müasirləşdirilməsinə və keyfiyyət göstəricilərinin daha da artırılmasına imkan verəcək

Yeni tədris ilinin əvvəlində Təhsil Nazirliyi tərəfindən təmir-tikinti işləri yekunlaşdırılmış 43 məktəb binası şagirdlərin istifadəsinə veriləcək.

Təhsil Nazirliyinin məlumatına istinadla xəbər verilir ki, onlardan 20-si yeni tikilən, 8-i əsaslı təmir olunan, 15-i isə modul tipli məktəbdir.

2019-cu ildə ümumilikdə respublika üzrə 25 yeni məktəb binasının tikintisi, 9 məktəbin əsaslı, 253 məktəbin cari təmiri, 24 rayonda isə 3520 şagird yerlik 50 modul tipli məktəbin istifadəyə verilməsi nəzərdə tutulur.

Qeyd edək ki, təhsil müəssisələrinin maddi-texniki bazasının gücləndirilməsi ilə bağlı ölkə Prezidenti cənab İlham Əliyev tərəfindən imzalanmış müvafiq sərəncamlara əsasən, regionlarda modul tipli məktəblərin quraşdırılması məqsədilə 18 milyon manat, Bakı şəhəri və onun qəsəbələrində təhsil müəssisələrinin tikintisi, əsaslı təmiri və bərpası işlərinin davam etdirilməsi məqsədilə 40 milyon manat, respublika üzrə təhsil müəssisələrinin qazlaşdırılması məqsədilə 8.7 milyon manat vəsait ayrılıb. Bu istiqamətdə həyata keçiriləcək tədbirlər təhsil infrastrukturunun müasirləşdirilməsinə və keyfiyyət göstəricilərinin daha da artırılmasına imkan verəcək.

Mənbə sputnik.az


Digər xəbərlər


Sabah hava necə olacaq?

Azərbaycanda sabaha gözlənilən hava şəraiti açıqlanıb. Milli Hidrometeorologiya Xidmətindən Gülüstan.info-ya verilən məlumata görə, aprelin 3-də B...

Qorxulan rəqəm - Koronavirusa yoluxanların sayı 1 milyonu keçdi

Dünya miqyasında koronavirusa yoluxanların sayı 1 milyonu keçib. Gülüstan.info xəbər verir ki, infeksiyadan ölənlərin sayı isə 50 min 230 nəfər yü...

İtaliyada bir sutkada 760 nəfər koronavirusdan ölüb

İtaliyada son günlər koronavirusdan ölənlərin sayında azalma müşahidə edilir. Gülüstan.info xəbər verir ki, gün ərzində İtaliyada 760 nəfər korona...

Ötən gün karantin rejimini pozan 1 288 nəfər cərimələnib

Koronavirus pandemiyası ilə mübarizədə əhalinin sağlamlığının qorunması məqsədi ilə ölkə ərazisində elan edilən xüsusi karantin rejiminin pozulması h...