Bakı 30 ℃

USD 1.7
RUB 0.0302
EUR 1.7744
TRY 0.101
Qızıl 3079.686
Gümüş 34.3069

10.09.2019

Azərbaycanda cəhənnəmə tur biletləri satılmağa başlayıb

Azərbaycanda da turizm şirkətləri Çernobıla turlar təşkil edirlər. Turizm agentliklərindən Sputnik Azərbaycan-a verilən məlumata görə, hazırda da Çernobıla tur paketlər aktivdir.

Ukrayna Prezidenti Vladimir Zelenski Çernobıl zonasında olma qaydasını dəyişən fərman imzalayıb. Fərmana əsasən, Çernobıl zonası turistlər üçün açıq olacaq və çəkiliş qadağası aradan qaldırılacaq.

Bu ərazidə iqtisadi layihələrin inkişafı da planlaşdırılır. Ukrayna mətbuatının yaydığı xəbərə görə, bu ilin səkkiz ayında Çernobıl zonasına gələnlərin sayı rekord vurub. Məlumatlara görə, bu müddətdə qoruğu 74 671 nəfər ziyarət edib, onlardan 14 416 nəfəri avqust ayında gəlib.

Tərk edilmiş zonaya turistlərin əksəriyyəti Ukraynadan, eləcə də Böyük Britaniya və Polşadan gəlir. Qoruq idarəsində turist axınının artmasını, Ukrayna turizm agentlikləri tərəfindən yeni marşrutların formalaşdırılması və zonaya daxil olma prosedurunun sadələşdirilməsi ilə əlaqələndiriblər. «Ancaq xatırlatmaq lazımdır ki, bura əyləncə parkı deyil. Xüsusi təhlükəsizlik qaydalarına riayət edilməsi lazım olan bir ərazidir», — deyə qoruq idarəsi direktorunun köməkçisi Kirill Qarnik bildirib.

Qeyd edək ki, Azərbaycanda da turizm şirkətləri Çernobıla turlar təşkil edirlər. Turizm agentliklərindən verilən məlumata görə, hazırda da Çernobıla tur paketlər aktivdir.

«Baku Holiday Travel»dən bildiriblər ki, Çernobıla xüsusi tur paket olmasa da, bu barədə müraciət daxil olan kimi qiymət hesablanır, turistin Ukraynada qalacağı müddət və gediş haqqı hesablanaraq qiymət müəyyən edilir: «Çernobıl üçün tur paketin qiyməti turistin orada qalma müddəti və seçdiyi otelin səviyyəsindən asılıdır. Təxminən belə turların qiyməti 350 ABŞ dolları dəyərində olur. Bundan əlavə, turist bilet üçün 600 manata qədər pul ödəyir».

Turizm şirkətindən onu da bildirdilər ki, tur paketə turistin sığortası da daxildir.

Azərbaycan Turizm Assosiasiyası sədrinin müşaviri Müzəffər Ağakərimov isə Çernobıl zonasının turistlər üçün açıq elan edilməsinin və çəkiliş qadağasının götürülməsinin turistlərin sağlamlığı üçün təhlükəli olduğunu söyləyir: «Ola bilər ki, Ukrayna Çernobıla turizm marşrutunu açmaqla qazanc əldə etmək istəyir. Amma bu, turistlərin həyatı üçün böyük riskdir. Belə çıxır ki, turistlərə radiasiyalı əraziləri istədikləri qədər gəzmək imkanı yaradılacaq. Bu da olduqca təhlükəlidir. Çernobıl illərdir ki, boşu-boşuna qapalı ərazi kimi saxlanılmayıb.

Mütəxəssislər həmin bölgədə radiasiya fonunun hələ də yüksək olduğunu təsdiqləyirlər. Mən inanmıram ki, Azərbaycandan Çernobıla getmək arzusunda olan bir turist olsun. Bu turizm növünə, ancaq psixoloji durumuna görə fərqli olan insanlar müraciət edə bilər. Yoxsa normal insan radiasiyanın yüksək olduğu bir yerə niyə getsin ki?»

M.Ağakərimov deyir ki, turistlərin mütləq əksəriyyəti ağıllı kontingentdir: «Çernobıl turizm mərkəzi deyil. Mənim fikrimcə, Ukrayna Çernobılı turizm bölgəsinə çevirməzdən öncə mütəxəssislər o ərazidə radiasiya fonunu ölçməlidirlər. Əks halda, bu turistlərin həyatını riskə atmaq deməkdir. Əgər Ukrayna hökuməti buna qərarlıdırsa, sığorta mexanizmini də işə salmalıdır. Sığortası olmayan turistlər belə radiasiyalı əraziyə buraxılmamalıdır. Turizm şirkətləri Çernobıla tur paket alan turistlərin sağlamlığını sığorta etməlidirlər. Əks halda, bizdən Ukraynaya belə turların fəaliyyəti əhali üçün təhlükədir».

Mənbə sputnik.az


Digər xəbərlər


“Bizim həyət” layihəsi çərçivəsində yenilənən növbəti həyət sakinlərin istifadəsinə verilib (FOTO)

İyulun 5-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə ...

Müdafiə Nazirliyinin Kiber Təhlükəsizlik Əməliyyatları Mərkəzi istifadəyə verilib

Müdafiə naziri general-polkovnik Zakir Həsənov iyulun 5-də Müdafiə Nazirliyinin Rabitə, İnformasiya Texnologiyaları və Kibertəhlü...

Qurbanlıq qoyunların onlayn satış yarmarkası təşkil olunacaq - SİYAHI

“Kənddən Şəhərə” layihəsi çərçivəsində Bakı və Sumqayıt ərazisində Qurban bayramı ilə əlaqədar olaraq qurbanlıq qoyunların onlayn...

Bakı metrosunda qatarda tüstülənmə olub

 “İçərişəhər” —  “Həzi Aslanov” marşrutu üzrə hərəkət edən qatar  “Gənclik” stansiyasında olarkən vaqonda sərnişinlərdən bi...

Qazaxın Qarapapaq–Çaylı avtomobil yolunun tikintisi üçün 6,9 milyon manat ayrılıb - SƏRƏNCAM

Prezident İlham Əliyev Qazax rayonunun Qarapapaq–Çaylı avtomobil yolunun tikintisi ilə bağlı tədbirlər haqqında Sərəncam imzalayı...

Bakı Şəhər Dövlət Yol Polisi piyada və sürücülərə müraciət edib

Bakı Şəhər Dövlət Yol Polisi (DYP) İdarəsi piyada və sürücülərə müraciət edib. İdarənin baş inspektoru polis mayoru Araz Əsgər...

Səhiyyə Nazirliyi Qurban bayramı ilə bağlı vətəndaşlara müraciət edib

Səhiyyə Nazirliyi Qurban bayramı ilə bağlı vətəndaşlara müraciət edib. Səhiyyə Nazirliyinin mütəxəssis-eksperti Emin Məmmədov ...

UNESKO Ukraynaya missiya göndərəcək

Ukraynanın ehtiyaclarını və gözləntilərini müəyyənləşdirmək məqsədilə bu həftə Kiyevə texniki missiya göndəriləcək. Bu barədə ...