20.09.2019

Ağcabədidə bir yaşlı uşaq cəhalət və savadsızlığın necə qurbanı oldu?

Verilən məlumata görə, Kəhrizli kənd xəstəxanasında analiz, rentgen üçün heç bir şərait olmadığından, azyaşlı Quzanlıya göndərilib

Ağcabədi rayonunda 2018-ci il təvəllüdlü Famil Cəfərov naməlum şəraitdə dünyasını dəyişib. Bir yaşlı uşağın ölüm səbəbinə aydınlıq gətirmək üçün Ağcabədi Rayon Mərkəzi Xəstəxanası ilə əlaqə saxladıq.

Xəstəxanadan hadisənin hansı şəraitdə baş verdiyi barədə məlumat verilib: «Ailədə yas olduğu üçün xəstələnən bir yaşlı Famil baxımsız qalıb, ona diqqət yetirilməyib. Sentyabrın 18-də isə vəziyyətinin yaxşı olmadığını görərək, onu Kəhrizli kənd xəstəxanasına, həkimin yanına aparıblar. Həkim uşağa resept yazıb, yardım edib. Daha sonra yardım üçün azyaşlını Quzanlı kənd xəstəxanasına göndəriblər. Amma valideynləri həmin xəstəxanadan çıxandan sonra uşağı çöpçüyə aparıblar. Çöpçü deyib ki, uşağın tənəffüs yoluna yad cisim düşüb. Çöpçü həmin yad cismin artıq uşağın ağciyərinə düşdüyünü iddia edib. Bu dəfə azyaşlını Bərdəyə aparıblar. Amma oraya çatanda həkimlər azyaşlının öldüyünü deyiblər».

«Əslində isə uşaq soyuqlayıb. Kəhrizlidə həmin uşağı qəbul edən həkim də belə deyir. Yəni onun tənəffüs yoluna yad cismin düşməsi ilə bağlı yayılan məlumat təsdiq olunmayıb», — deyə xəstəxanadan bildiriblər.

Onu da bildirək ki, hadisə ilə bağlı Ağcabədi Rayon Mərkəzi Xəstəxanasına heç bir müraciət daxil olmayıb: «Çünki onların kəndi Quzanlı xəstəxanası və Bərdəyə yaxın olub».

Uşağın niyə Kəhrizli kənd xəstəxanasında müayinə olunmamasının səbəbi də açıqlanıb. Verilən məlumata görə, Kəhrizli kənd xəstəxanasında analiz, rentgen üçün heç bir şərait olmadığından, azyaşlı Quzanlıya göndərilib.

Mənbə sputnik.az


Digər xəbərlər


İŞİD-çıların arvadları düşərgələrdən çıxarılır

ABŞ hərbçiləri İŞİD terrorçularının arvadlarını Suriyanın Haseke vilayətindəki Əl-Hol qaçqın düşərgəsindən çıxarır. Bu barədə “İhbariyyə” telekana...

Bakıda qeyri-adı küçə adları hələ də qalır

“Bakıda qəribə küçə adları var. Bəzilərində Sovet adları qalmaqdadır. Həmin küçələrin adlarının dəyişdirilməsi ilə bağlı mütləq tədbir görüləcək”. ...

Bələdiyyə seçkiləri bu tarixdə keçiriləcək

Azərbaycanda bələdiyyə seçkilərinin tarixi müəyyən edilib. Bununla bağlı bu gün Mərkəzi Seçki Komissiyasının (MSK) iclasında bildirilib. İclasa...

Çavuşoğludan "Twitter"də Azərbaycanla bağlı PAYLAŞIM

Türkiyənin Xarici İşlər naziri Mövlud Çavuşoğlu Azərbaycan haqda öz «Twitter» səhifəsində paylaşım edib Türkiyənin Xarici İşlər naziri M...