11.09.2019

ABŞ “Sepah”, “Hizbullah”, “Həmas” və “Əl-Qaidə”yə qarşı növbəti sanksiyalar tətbiq edib

Amerika Birləşmiş Ştatlarının Dövlət Departamentinin rəhbəri Mayk Pompeo və maliyyə naziri Stiven Mnuçin ötən gün keçirdikləri birgə mətbuat konfransında terror qruplaşmalarına qarşı yeni sanksiyalar qəbul olunduğunu elan ediblər.

Stiven Mnuçin bildirib ki, sanksiyalar “Sepah” terror təşkilatının “Qüds Briqadası”nın, “Həmas, Livan “Hizbullah”ı və “Əl-Qaidə”nin 15 rəhbərini əhatə edir. O, yeni embarqoların detallarından danışmasa da, Maliyyə Nazirliyi bir neçə saat sonra öz rəsmi veb saytında bəyanat yayaraq, qara siyahıya salınmış 21 nəfər və bir neçə təşkilatın adını açıqlayıb.

“Qüds Briqadası”nın Londondakı nümayəndəsi Məhəmməd Səid İzədi bu siyahıya salınan şəxslərdən biridir. Eləcə də, İranla “Həmas” arasında maliyyə koordinatorluğu vəzifəsini icra edən Zahir Cabbariyanın adı da yeni sanksiyalar qəbul edilmiş şəxslər arasındadır.

Pompeo sanksiyalara münasibətində bildirib ki, bu qərar nəticəsində terror qruplaşmalarının maliyyə əməliyyatlarının qarşısı alınacaq.

O, həmçinin Dövlət Departamentinin terror təşkilatları rəhbərlərindən 12 nəfərə qarşı sanksiya tətbiq etdiyini və onlardan 4 nəfərinin “Hizbullah”, “Həmas”, “DAİŞ” və “Əl-Qaidə”nin yüksək rütbəli üzvləri olduğunu əlavə edib.

Pompeo və Mnuçin mətbuat konfransının sonunda Con Boltonun öz tutduğu vəzifədən çıxarılmasının rəsmi Vaşinqtonun Tehrana qarşı yürütdüyü maksimum təzyiq siyasətinə heç bir təsir göstərməyəcəyini deyiblər.

Xatırladaq ki, ABŞ ötən həftə İran sanksiyalarını pozmaq üçün yaradılan böyük maliyyə şəbəkəsini də qara siyahıya daxil etmişdi.

Mənbə gunaz.tv


Digər xəbərlər


Poroşenkonun deputat toxunulmazlığı ləğv edilir

Ukraynanın Dövlət Təhqiqatlar Bürosu ölkənin Baş Prokurorluğuna keçmiş prezident Petro Poroşenkoya dair şübhələrini ifadə edən məktub göndərib. D...

Rusiyanın Baltikyanı ölkələri necə işğal edə biləcəyi açıqlanıb

ABŞ-ın CEPA (Avropa Siyasəti Analiz Mərkəzi) təşkilatının ekspertləri Rusiyanın Baltikyanı ölkələri necə işğal edə biləcəyini açıqlayıb. CEPA hesa...

Haqlı sanksiya bataqlığında batan İran iqtisadiyyatının həzin çöküşü FAKTLARLA

2018-ci ilin may ayında Amerika Birləşmiş Ştatlarının prezidenti Donald Tramp dayandırılmış sanksiyaları yenidən tətbiq etməklə, rəsmi Tehranla 5+1 ö...

İlham Əliyev Rusiyanın Şimali Qafqaz respublikalarından olan bir qrup müsəlman din xadimindən ibarət nümayəndə heyətini qəbul edib

Azərbaycan Respublikasının Prezidenti İlham Əliyev noyabrın 15-də Rusiya Federasiyasının Şimali Qafqaz respublikalarından olan bir qrup müsəlman din...