10.09.2019

Alibaba Group’un yaradıcısı şirkətdən ayrıldı

Çinin məşhur Alibaba Group şirkətinin yaradıcısı Jack Ma şirkətin direktorlar şurasınn sədri vəzifəsindən ayrıldı. Bu barədə Bloomberg və Techcrunch saytları xəbər veriblər. Jack Ma şirkətdən ayrılma planını hələ 1 il bundan öncə elan etmişdi. Direktorlar şurasının sədri vəzifəsində Jack Ma-nı Daniel Zhang əvəz edəcək. O, 2017-ci ildən bəri şirkətin general direktoru vəzifəsində çalışır.

Bloomberg saytının sorğusunda iştirak etmiş mütəxəssislərin fikirlərinə əsasən çətin ki, Daniel Zhang Jack Ma-nın dəstəyi olmadan vacib qərarlar qəbul etsin. Jack Ma, Alibaba-dan ayrılma fikrini ilk dəfə keçən ilin sentyabr ayında elan etmişdi. O, şirkətdən 10 sentyabr tarixindəki 55-ci doğum günündə ayrılmağı qərara aldı. Məşhur sahibkar təhsil sahəsinə geri qayıtmağı və xeyriyyə layihələri ilə məşğul olmağı istəyir.

Bloomberg saytının hesablamalarına əsasən Jack Ma-nın maliyyə sərvəti 41.8 milyard dollar təşkil edir. Hal hazırda ona Alibaba səhmlərinin 5.3%-i məxsusdur. Onların ümumi dəyəri isə 24.6 milyard dollar təşkil edir. Jack Ma texniki təhsili olmayan keçmiş ingilis dili müəllimidir. O, Alibaba Group şirkətini 1999-cu ildə öz partnyorları ilə yaradıb.

Şirkət AliExpressTmallTaoBao kimi məşhur ticarət servislərinə sahibdir. Alibaba Group şirkətinin bazar dəyəri isə 460 milyard dollar təşkil edir.

Mənbə technote.az


Digər xəbərlər


Azərbaycan və Çin kənd təsərrüfatı texnikası üzrə müəssisələr yaradacaq

Azərbaycan və Çin yaxın perspektivdə birgə müəssisələrin yaradılması imkanlarını nəzərdən keçirir. Bunu İqtisadiyyat naziri Şahin Mustafayev deyib...

Azərbaycanlıların yaratdığı layihə Rusiya iş dünyasının marağına səbəb olub

Rusiyanın ən iri banklarından olan Sberbankın startaplar üçün keçirdiyi akseleratorun qalibləri içərisində həmyerlilərimizin yaratdığı son dərəcə mar...

Avstriyadan böyük qadağa! Avropa İttifaqı və Merkosur dövlətləri arasında ticarət sazişinə veto qoydu

Sentyabrın 19-da Avstriya Parlamentinin Aİ üzrə alt komissiyasında qəbul edilmiş qərar həm ölkə, həm də xarici mətbuatda böyük əks-sədaya səbəb olub....

Huawei şirkəti Google servislərinin yerinə nəyi tətbiq edəcək?

Baş tutmuş 2 saatlıq təqdimatdan sonra Huawei şirkəti vacib məlumatı səsləndirdi. Belə ki, yeni smartfonlar Google servislərini əldə etməyəcəklər. La...