13.09.2019

Azərbaycanın işğal olunmuş ərazilərinə qanunsuz gedənlərə çağırış edildi

“Qondarma, cinayətkar xunta rejimi hazırda Azərbaycanın işğal edilmiş ərazilərində erməni icmasını əsarət altında saxlayaraq və azərbaycanlıların ora geri dönməsini əngəlləmək məqsədi ilə öz işğal nəticələrini “legitimləşdirmək” üçün müxtəlif təxribatlara əl atır”.

Bunu “Azərbaycan Respublikası Dağlıq Qarabağ bölgəsinin azərbaycanlı icması” İctimai Birliyinin rəhbəri Tural Gəncəliyev jurnalistlərə açıqlamasında deyib.

O bildirib ki, separatçı rejim bunun üçün qondarma seçkilər keçirir: “Onlar bir-iki deputatı və hansısa xarici ölkənin nümayəndəsini dəvət etməklə guya beynəlxalq təşkilatların təmsilçilərinin Dağlıq Qarabağa səfər etməsindən bəhs edən şoular düzəldirlər. Amma birmənalı olaraq deyirəm ki, erməni rejiminin bu addımı təxribatdır və cinayətkar xunta rejiminin düşdüyü çıxılmaz vəziyyətin göstəricisidir. Onların bu təxribatlarının heç bir nəticəsi olmayacaq”.

T.Gəncəliyev Azərbaycanın işğal olunmuş torpaqlarına qanunsuz səfər edənlərə çağırış edib: «Azərbaycanın işğal altında olan ərazilərinə qanunsuz səfər edən beynəlxalq təşkilatların və media orqanlarının nümayəndələrinə çağırış edirik ki, Azərbaycanın əzəli torpaqları olan və hazırda işğal altında saxlanılan ərazilərinə qanunsuz səfərlər etməsinlər. Bu səfərlərin heç bir hüquqi əsası yoxdur».

Mənbə report.az


Digər xəbərlər


Netanyahu İrana qarşı daha sərt sanksiyalar istədi

İsrailin baş naziri Benyamin Netanyahu Amerika prezidenti Donald Trampın İrana qarşı yeni kəskin sanksiyaların qəbul ediləcəyilə bağlı səsləndirdiyi ...

Putin Paşinyanın ikitərəfli görüş təklifini rədd etdi

Rusiya prezidenti Vladimir Putin Ermənistanın Baş naziri Nikol Paşinyanın ikitərəfli görüş təklifini rədd edib. «168 JAM» qəzetinə istin...

İranla bağlı son 48 saat! ABŞ yeni qərar verəcək

ABŞ İrana qarşı yeni sanksiyalarını 48 saat ərzində elan edəcək. Bunu ABŞ Prezidenti Donald Tramp deyib. “Biz İrana qarşı hansısa sanksiyalar t...

Ermənistanda bərqərar olan Nikol Paşinyan hökuməti dağılır

Bu barədə “Atlas” Araşdırmalar Mərkəzinin rəhbəri Elxan Şahinoğlu Ermənistandakı vəziyyəti şərh edərkən bildirib. O xatırladıb ki, bu həftə Ermənista...