09.09.2019

Ermənistanda aksiyalar regionlara da sıçradı

Ermənistanın bölgələrində məmur özbaşınalığı və işsizlik problemi ilə bağlı itaətsizlik aksiyaları səngimir.

AZƏRTAC erməni KİV-lərinə istinadla xəbər verir ki, Lori vilayətinin ən böyük kəndlərindən biri olan Saratovkada sakinlər kənd icra nümayəndəsinin özbaşınalığına son qoyulmasını tələb edirlər. Sakinlərin sözlərinə görə, icra nümayəndəsi Qarlin Markonyan kəndin problemləri ilə maraqlanmır. Etirazçılar bildiriblər ki, icra nümayəndəsi onları aldadaraq pay torpaqlarını əllərindən alıb. Torpaqlar saxta yollarla icra nümayəndəsi tərəfindən yaxın adamlarının adlarına sənədləşdirilib. Aksiya iştirakçılarının iddialarına görə, dəfələrlə Lori vilayəti qubernatoruna və ölkənin baş prokuroruna şikayətlər ünvanlansa da heç bir nəticə olmayıb. Onlar bəyan edirlər ki, tələbləri yerinə yetirilməsə növbəti aksiya hökumət binasının qarşısında keçiriləcək.

Bundan başqa Nikol Paşinyanla Qarabağ klanı arasında ziddiyyətlər dərinləşir. Belə ki, 1 mart hadisələri ilə bağlı qondarma rejimin sabiq təhlükəsizlik xidmətinin rəisi Vitali Balasanyan xüsusi istintaq komitəsinə çağırılıb. Dindirilmədən sonra Vitali Balasanyan bildirib ki, 1 mart hadisələrində baş nazir Nikol Paşinyan və sabiq prezident Levon Ter-Petrosyan günahkardırlar.

Mənbə musavat.com


Digər xəbərlər


Apteklərdən 4 min pul oğurlayıb

Nəsimi rayonu ərazisindəki apteklərin birindən oğurluq olub.  Əməliyyat-axtarış tədbirləri nəticəsində fevralın 20-də apteklərin birindən soy...

Pentaqon 2025-ci ilə qədər nüvə silahı üçün xərclərini açıqlayıb

Pentaqon nüvə silahının modernləşdirilməsi və etibarlılığının təmin edilməsi üzrə beşillik plan çərçivəsində ABŞ Konqresindən təqribən 167 milyard AB...

Avropada koronavirusdan ilk ölüm hadisəsi baş verdi

Parisdə ilk Fransa vətəndaşı koronavirusdan dünyasını dəyişib. Gulustan.info xarici mediaya istinadən məlumat verir ki, çox ağır vəziyyətdə olan 6...

Ərdoğan: “Suriyada geri addım atmayacağıq”

“İdlibdə baş verən humanitar böhranın qarşısını almaq üçün fəaliyyətimizi aktiv formada davam etdirəcəyik. Əsas tələbimiz hücumların dayandırılmasıdı...