05.09.2019

Google şirkətinə qarşı böyük ittiham irəli sürülür

İrlandiyanın özəl məlumatların istifadəsi üzrə nizamlayıcı orqanı (Irish Data RegulatorGoogle şirkətini istifadəçilərin özəl məlumatlarının gizli şəkildə yığılmasında və onları reklam verənlərə ötürülməsində günahlandırır. Bu barədə The Financial Times saytı xəbər verib.

Qeyd etmək lazımdır ki, İrlandiyanın bu nizamlayıcı orqanı Google şirkətinin Avropadakı biznesinə nəzarət edir. Onun məlumatına əsasən istifadəçi məlumatlarının yığılmasında şirkət gizli səhifələrdən istifadə edir. Bu isə şirkətin şəffaflıq siyasətinə və Avropa Birliyinin konfidensiallıq üzrə qanunvericiliyinə ziddir.

Google şirkəti isə nizamlayıcı orqan ilə əməkdaşlıq etdiyinə görə bu günahları təkzib edir. Məlumata əsasən targetinq reklamları üçün istifadə olunan özəl məlumatlar sırasında istifadəçi səhhətinin vəziyyəti, onun siyasi maraqları və mənsub olduğu irqi var. İstifadəçi hesabının indikatoru unikaldır. Belə ki, o, heç kimin görmədiyi gizli səhifələrdə yerləşdirilib. Brave adlı brauzerin rəhbəri olan Johnny Ryan yeni istifadəçi hesabı yaradaraq həmin identifikatoru təyin etməyi bacarıb. Məlum olub ki, onun identifikatoru minimum 8 reklam şirkətinə göndərilib.

Onun təcrübəsi digər yüzlərlə istifadəçi hesabında yoxlanılıb və təsdiq edilib ki, identifikatorlar həqiqətən də təkrarlanmırlar və targetinq reklamlar üçün istifadə olunurlar. Bu cür datalar isə dünyanın böyük reklam hərracında satılır. Potensial alıcılara dəqiq məlumatları təqdim etməklə Google şirkəti öz rəqibləri üzərində nəzərə çarpan üstünlük əldə edir. Halbu ki, şirkət 2018-ci ilin sentyabr ayında söz vermişdi ki, cookie faylların şifrələnmiş identifikatorlarını bir daha heç kimə təqdim etməyəcək.

Mənbə technote.az


Digər xəbərlər


Sabahkı manatın məzənnəsi

Yanvarın 24-nə manatın məzənnəsi açıqlanıb. Mərkəzi Bankdan Gülüstan.info-ya verilən məlumata görə, 24.01.2020-ci il tarixindən etibarən rəsmi məz...

Tibb işçilərinin əməkhaqqıları artırılır

İcbari Tibbi Sığorta üzrə Dövlət Agentliyi “Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələrində çalışa...

Bakıda ən bahalı mənzillər hansı ərazilərdə satılır?

“Hazırda mənzil bazarında durğunluq müşahidə edilir”. Bunu açıqlamasında daşınmaz əmlak üzrə ekspert, “Property» Qiymətləndirmə şirkətinin di...

Azərbaycanda korrupsiya azalıb - HESABAT

“Beynəlxalq Şəffaflıq” Təşkilatının milli bölməsi olan “Şəffaflıq Azərbaycan” təşkilatı 2019-cu il üçün Korrupsiya Qavrama İndeksini (2019 KQİ) təqdi...