10.09.2019

Hindistandan Azərbaycana kütləvi turist axını gözlənilir

Sentyabrın 9-da Azərbaycan Turizm Bürosu Hindistanın böyük şəhərlərində keçirəcəyi silsilə tədbirlərə Yeni Delhi şəhəri ilə start verib.

Tədbirdə Yeni Delhi şəhərində fəaliyyət göstərən 150-dən çox turoperator və turagentlik, o cümlədən digər turizm təşkilatları iştirak ediblər. 
Turizmin müxtəlif istiqamətləri üzrə ixtisaslaşmış Hindistandan olan təşkilatlar Azərbaycanı təmsil edən 15 turizm şirkəti ilə B2B (Biznesdən-biznesə) formatlı görüşlər keçiriblər və mümkün əməkdaşlıq üçün ikitərəfli müzakirələr aparıblar.

Tədbir çərçivəsində Yeni Delhi şəhərinin 30-dan çox aparıcı kütləvi informasiya vasitəsinin iştirakı ilə mətbuat konfransı keçirilib.
Mətbuat konfransında Azərbaycanın Hindistandakı səfiri Əşrəf Şıxəliyev, Azərbaycan Turizm Bürosunun baş icraçı direktoru Florian Zenqstşmid, AZAL-ın icraçı direktorunun müavini, eyni zamanda «Buta Airways”-in direktoru Nazim Səmədov iştirak ediblər.

Onlar maraq doğuran sualları cavablandırıblar və jurnalistlərə Azərbaycanın turizm potensialı barədə ətraflı məlumat veriblər.
Azərbaycan və Hindistan arasında tarixi əlaqələrdən danışan Florian Zenqstşmid bu ilin sonunadək Azərbaycana səfər edən hindistanlı turistlərin sayının 65 minə çatacağının gözlənildiyini açıqlayıb. 
Qeyd edək ki, Azərbaycan Turizm Bürosu Yeni Delhi şəhərindən sonra Hindistanın Benqaluru və Mumbay şəhərlərində də silsilə təqdimatlar təşkil edəcək.

Mənbə ekonews.az


Digər xəbərlər


Youtube servisi adi istifadəçilər üçün rəy yazmaq qaydalarını sərtləşdirdi

Youtube videoservisi istifadəçilərin videoservisdən istifadə qaydalarını yenidən sərtləşdirib. Belə ki, sərtləşdirilmiş yeni qaydalar təkcə kont...

Azərbaycan Dünya Bankının kreditini qəbul etmədi

Azərbaycan hökuməti ölkədə məcburi köçkünlərin rifah halının yaxşılaşdırılması (IDP Living Standards and Livelihoods) üzrə layihə üçün Dünya Bankında...

"İnstagram"da bağlı profilləri "qıran" tətbiq niyə yenidən istifadəyə verildi? (FOTO)

«İnstagram» sosial şəbəkəsində bağlı profillərdə olan məzmunlara baxmaq üçün proqram yenidən istifadəçilərə təqdim edilib. Bir vaxtlar b...

Bu rayonlardakı pensiya təyinatı dəyişdirildi

Vətəndaşlara göstərilən xidmət səviyyəsinin artırılması məqsədilə Dövlət Sosial Müdafiə Fondunun ləğv edilmiş Səbail və Yasamal şöbələri üzrə aşağıda...