11.09.2019

Müxalifətlə iqtidar birgə sənəd imzaladı

Bu gün Park İnn otelində Ana Vətən Partiyasının rəhbəri Fəzail Ağamalının təşəbbüsü ilə keçirilən “Ölkəmizdəki siyasi proseslərə xarici müdaxilənin yolverilməzliyi” mövzusunda keçirilən dəyirmi masanın nəticəsində yekun sənəd qəbul olunub.

Sənəddə aşağıdakılar qeyd olunub: “Biz, “Ölkəmizdəki siyasi proseslərə xarici müdaxilənin yolverilməzliyi” mövzusunda təşkil edilmiş “dəyirmi masa”nın iştirakçıları olan siyasi partiyaların və vətəndaş cəmiyyəti təmsilçiləri bu gün beynəlxalq aləmdə, o cümlədən regionda baş verən mürəkkəb və həssas prosesləri, real imkan və perspektivləri hərtərfəli müzakirə edərək, Azərbaycanın müstəqilliyinin, eləcə də dövlətçilik prinsiplərinin daha da möhkəmləndirilməsi, ərazi bütövlüyünün təmin olunması, taleyüklü məsələlərdə milli həmrəyliyimizin tam şəkildə bərqərar edilməsi, xalqımızın sosial rifah halının yaxşılaşdırılması, dövlətimizin iqtisadi və hərbi potensialının, beynəlxalq aləmdə nüfuzunun və təsir imkanlarının daha da gücləndirilməsi məqsədilə aşağıdakıları bəyan edirik:

— Azərbaycanın Ermənistan tərəfindən işğal edilmiş torpaqlarının qısa müddətdə işğaldan azad edilməsi istiqamətində hərb yolu da daxil olmaqla atılacaq addımları birmənalı şəkildə müdafiə edəcəyimizi bəyan edir;

— siyasi mənsubiyyətindən asılı olmayaraq, hər bir vətəndaşın ordu quruculuğuna və silahlı qüvvələrimizə hərtərəfli və birmənalı dəstəyinin zəruriliyini ifadə edir;

— ölkədə həyata keçiriləcək islahatları dəstəkləyir, ardıcıl və davamlı olmasını vacib sayır;

— vətəndaş sülhü və milli həmrəylik istiqamətində birgə fəaliyyətin göstərilməsinin zəruriliyini nəzərə alaraq, siyasi mübarizədə etik normaları gözləməyə, milli-mənəvi və əxlaqi dəyərlərimizə zidd əməllərə yol verməməyə, eyni zamanda davamlı dialoq mühitinin yaradılmasına, sosial şəbəkələrdə, o cümlədən kütləvi informasiya vasitələrində təhqir, böhtan və şayiə xarakterli məlumatlar yaymamağa çağırır;

— respublikamızda keçirilən seçkilər zamanı bu prosesə beynəlxalq hüquqa zidd hər hansı xarici müdaxilənin yolverilməz olduğunu xüsusi vurğulayır və belə müdaxilə cəhdlərinə qarşı birgə fəaliyyəti zəruri saydığımızı bildiririk».

Tədbir iştirakçıları bu sənədi imzalayıblar.

Mənbə musavat.com


Digər xəbərlər


Poroşenkonun deputat toxunulmazlığı ləğv edilir

Ukraynanın Dövlət Təhqiqatlar Bürosu ölkənin Baş Prokurorluğuna keçmiş prezident Petro Poroşenkoya dair şübhələrini ifadə edən məktub göndərib. D...

Rusiyanın Baltikyanı ölkələri necə işğal edə biləcəyi açıqlanıb

ABŞ-ın CEPA (Avropa Siyasəti Analiz Mərkəzi) təşkilatının ekspertləri Rusiyanın Baltikyanı ölkələri necə işğal edə biləcəyini açıqlayıb. CEPA hesa...

Haqlı sanksiya bataqlığında batan İran iqtisadiyyatının həzin çöküşü FAKTLARLA

2018-ci ilin may ayında Amerika Birləşmiş Ştatlarının prezidenti Donald Tramp dayandırılmış sanksiyaları yenidən tətbiq etməklə, rəsmi Tehranla 5+1 ö...

İlham Əliyev Rusiyanın Şimali Qafqaz respublikalarından olan bir qrup müsəlman din xadimindən ibarət nümayəndə heyətini qəbul edib

Azərbaycan Respublikasının Prezidenti İlham Əliyev noyabrın 15-də Rusiya Federasiyasının Şimali Qafqaz respublikalarından olan bir qrup müsəlman din...