09.09.2019

Növbəti Ermənistan yalanı — “7-ci erməni oyunları”nda BƏƏ-nin iştirak etmədiyi məlum olub

Azərbaycan Xarici İşlər Nazirliyinin (XİN) mətbuat katibi Leyla Abdullayeva Azərbaycanın işğal olunmuş Xankəndi şəhərində keçirilmiş “7-ci erməni oyunları”nın açılış mərasimində Nikol Paşinyanın çıxışı zamanı sözügedən oyunlarda ilk dəfə olaraq bəzi ölkələrin, o cümlədən Birləşmiş Ərəb Əmirliklərinin də iştirak etməsi barədə iddiasına münasibət bildirib.

L.Abdullayevaya sualları və onun cavabını təqdim edirik:

Sual: «Ermənistanın Baş naziri Nikol Paşinyanın 6 avqust 2019-cu il tarixində Azərbaycanın işğal olunmuş Xankəndi şəhərində keçirilmiş “7-ci erməni oyunları”nın açılış mərasimində çıxışı zamanı sözügedən oyunlarda ilk dəfə olaraq bəzi ölkələrin, o cümlədən Birləşmiş Ərəb Əmirliklərinin də iştirak etməsini qeyd etmişdi. Bu xüsusda, həmin ölkələrin Azərbaycanın işğal olunmuş ərazilərində keçirilən bu tədbirə qatılması ilə bağlı hansı tədbirlər görülüb?»

Cavab: «İlk dəfə deyil ki, Ermənistan rəsmilərinin həqiqəti əks etdirməyən bəyanatları ilə üzləşirik. Qeyd etdiyiniz məsələ ilə bağlı ölkəmizin Birləşmiş Ərəb Əmirliklərindəki (BƏƏ) səfirliyi bu ölkənin Xarici İşlər Nazirliyinə nota ünvanlayıb və cavab notasında BƏƏ XİN-i bildirib ki, Dağlıq Qarabağ ərazisində keçirilən tədbirdə heç bir BƏƏ vətəndaşı iştirak etməyib. Göründüyü kimi, Ermənistan tərəfi həqiqətə uyğun olmayan məlumatları məqsədyönlü şəkildə yayaraq, qanunsuz separatçı rejimin guya ki, “tanınması” görüntüsünü yaratmaq istəyir. Öz növbəsində, bütün bu kimi cəhdlər sonda yayılan yalan məlumatların ifşası ilə nəticələnir».

Mənbə report.az


Digər xəbərlər


Prezident Quba ilə bağlı sərəncam imzalayıb

Azərbaycan Prezidenti İlham Əliyev Quba rayonunda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatın...

Səhiyyə Nazirliyinə yeni səlahiyyət verildi - FƏRMAN

Azərbaycan Respublikası Prezidentinin “Gənclər siyasəti haqqında” Azərbaycan Respublikası Qanununun tətbiq edilməsi barədə” fərmanında dəyişiklik edi...

Prezidentdən türkiyəli deputatla bağlı sərəncam

Azərbaycan Prezidenti İlham Əliyev Şamil Ayrımla bağlı sərəncam imzalayıb. Sərəncama əsasən, Azərbaycan Respublikası ilə Türkiyə Cümhuriyyəti ar...

Mehriban Əliyeva: Maksimum dərəcədə vətəndaş məsuliyyəti nümayiş etdirməliyik

Birinci vitse-prezident Mehriban Əliyeva rəsmi “İnstagram” səhifəsində koronavirus (COVID-19) infeksiyasının Azərbaycan ərazisində geniş yayılmas...