Bakı 26 ℃

USD 1.7
RUB 0.0231
EUR 2.0061
TRY 0.232
Qızıl 3273.3075
Gümüş 43.8575

04.10.2019

Sahibkarların götürdüyü kreditlərdə bu tələb aradan qaldırılıb

Azərbaycanda əhalinin layiqli həyat səviyyəsini təmin etmək və sosial rifahını yüksəltmək, iqtisadiyyatın tarazlı və dayanıqlı inkişafına nail olmaq dövlətin sosial-iqtisadi inkişaf konsepsiyasının prioritetlərindəndir.

Bu barədə İpoteka və Kredit Zəmanət Fondunun açıqlamasında bildirilir. 

Məlumatda həmçinin deyilir ki, son illər həyata keçirilən, konkret hədəflərə yönəlmiş məqsədyönlü islahatlar nəticəsində ölkədə biznes və investisiya mühitinin əlverişliliyinin daha da artırılması, sahibkarların maliyyə resurslarına çıxış imkanlarının genişləndirilməsi, dövlət-sahibkar münasibətlərinin inkişaf etdirilməsi istiqamətində bir sıra nailiyyətlər əldə edilib, bu sahədə mühüm institusional tədbirlər həyata keçirilib. Həyata keçirilmiş islahatlar çərçivəsində ölkədə kredit zəmanət mexanizmi və həmin mexanizm çərçivəsində dövlət büdcəsi vəsaiti hesabına faiz subsidiyalarının verilməsi kimi maliyyə dəstəyi aləti yaradılıb.

2018-ci ilin sonlarından etibarən Fond kredit zəmanət mexanizminin və faiz subsidiyalarının verilməsinə başlayıb, bu dövr ərzində iqtisadiyyatın müxtəlif sahələri üzrə (qida sənayesi məhsullarının istehsalı, kənd təsərrüfatı, ticarət xidmətləri, maşın və avadanlıq istehsalı, eləcə də digər sənaye məhsullarının istehsalı və emalı) 41,759 milyon manat sahibkarlıq kreditlərinin verilməsinə nail olunub.

Dövr ərzində Fond mövcud problemlərin öyrənilməsi və kredit zəmanət mexanizminin təkmilləşdirilməsi məqsədilə dövri olaraq müvəkkil banklarla və sahibkarlarla görüşlər keçirib, bu sahədə beynəlxalq təcrübə araşdıraraq müvafiq təhlillər aparıb. Təhlillər kiçik və orta sahibkarlıq subyektlərinin banklara müraciət edərkən təminatla (girovla) bağlı yüksək tələblərlə rastlaşdıqlarını və nəticədə onların maliyyə mənbələrinə (kredit) çıxış imkanlarının məhdud olduğunu göstərib.

Aparılmış təhlillərin nəticəsi olaraq, zəmanət mexanizminin tətbiqində risklərin tənzimlənməsi baxımından tam yeni yanaşma tətbiq edilib və mövcud mexanizm çərçivəsində sahibkarlıq kreditlərinin verilməsi zamanı təminatla (girov) bağlı tələblər aradan qaldırılıb. Həyata keçirilmiş dəyişikliklər nəticəsində artıq Fondun kredit reytinqi modelinə əsasən aşağı risk kateqoriyasına aid edilmiş, lakin təminat səviyyəsi qənaətbəxş olmayan sahibkarlar üçün Fondun zəmanəti ilə təminatsız sahibkarlıq kreditlərindən istifadə imkanları yaradılıb.

Mövcud mexanizm çərçivəsində verilən sahibkarlıq kreditləri üzrə təminata dair tələblərin aradan qaldırılması daha çox sahibkarlıq subyektinin maliyyələşməsinə, təminat yetərsizliyi olan sahibkarların maliyyə resurslarına çıxış imkanlarının artırılmasına, nəticə etibarilə iqtisadiyyatın şaxələnməsinə, iqtisadi aktivliyin və ölkədə qeyri-neft sektorunun inkişafının dəstəklənməsinə şərait yaradacaq. 

Mənbə report.az


Digər xəbərlər


Neft yenidən bahalaşıb

ICE London qitələrarası birjasında keçirilən ticarət əməliyyatlarının gedişində Brent neftinin ixracına dair 2020-ci ilin oktyabr...

Neftin qiyməti yenidən ucuzlaşıb

London birjalarında “Brent” markalı neftin bir barelinin qiyməti 45,32 dollar təşkil edir. “İnterfaks” bu barədə avqustun 13-n...

190 manat alanların siyahısı banklara göndərildi

Sərtləşdirilmiş xüsusi karantin rejiminin tətbiq olunduğu 13 şəhər və rayon üzrə birdəfəlik ödəmə (190 manat) almaq hüququ yarana...

Telefonunuz zəlzələ barədə sizi XƏBƏRDAR EDƏCƏK - “Google” yeni şəbəkə qurur

Google” şirkəti Android smartfonların köməyilə zəlzələlərin müəyyən edilməsi üçün ən geniş şəbəkə yaratmaq niyyətində olduğunu bi...

Baş Nazir BP qrupun rəhbəri ilə telefonla danışıb

Baş Naziri Əli Əsədov ilə BP qrupunun baş icraçı direktoru Bernard Luni arasında telefon danışığı olub. Nazirlər Kabinetinin m...

Azərbaycan nefti bahalaşıb

Dünya bazarında «Azeri Light» (CIF) markalı neft bahalaşıb. Gulustan.info xəbər verir ki, Azərbaycan neftinin 1 bare...

Apple” şirkətinin rəhbəri milyarder oldu

Amerikanın “Apple” şirkətinin rəhbəri Tim Kuk milyarderlər siyahısına daxil olub. Bu barədə “Bloomberg” məlumat yayıb. “Blo...

“TikTok” və “Twitter” birləşə bilər

ABŞ-ın «Twitter» mikrobloqlar servisi və Çinin «TikTok» sosial şəbəkəsi arasında mümkün birləşmə haqqında dan...