09.10.2019

Azərbaycanda xarici vətəndaşa yüksək vəzifə verildi

Mark Qusriye “Azərcosmos” ASC-nin Baş kommersiya direktoru vəzifəsinə təyin olunub.

ASC-dən verilən məlumata görə, Mark Qusriye karyerasına İngiltərənin telekommunikasiya və peyk rabitəsi bazarında lider olan “British Telecom” şirkətində başlayıb. Daha sonra Avropanın aparıcı peyk operatoru “SES” şirkəti tərəfindən alınan “Europe Star” və “Verestar” şirkətlərində rəhbər vəzifələrdə işləyib.

M.Qusriye fəaliyyətini “SES” şirkətinin ABŞ və Böyük Britaniyadakı ofislərində peyk xidmətlərini idarə etmək, satış əməliyyatlarını aparmaq və “Men adası”nda peyk xidmətlərinin icarəsi üzrə rəhbər vəzifələrdə davam edib. Mark 2013-cü ildən “KVH” qlobal mobil rabitə xidmətləri təklif edən şirkətdə Satış üzrə vitse-prezident vəzifəsinə təyin edilib və bir müddətdən sonra “KVH” şirkətinin Asiya-Sakit okean bölgəsi üzrə Birinci vitse-prezident olub.

Mark Qusriye Nottinqem Trent Universitetindən “Elektrik və Elektron Mühəndisliyi” üzrə bakalavr və magistr dərəcələri alıb. O, həmçinin, İngiltərənin Henley İdarəetmə Kollecində M.B.A. üzrə təhsilini davam etdirib.

Böyük Britaniyada və ABŞ-da satış əməliyyatları və peyk xidmətləri üzrə yüksək təcrübəyə malik olan Mark Qusriye həm regional, həm də beynəlxalq səviyyədə “Azərkosmos”un uzunmüddətli kommersiya strategiyasına istiqamət verəcək və şirkətin satış potensialının artırılmasına dair səlahiyyətləri yerinə yetirəcək.

Qeyd edilib ki, Mark Qusriye bu ilin oktyabr ayından etibarən “Azərkosmos”un Bakı ofisində fəaliyyətinə başlayıb.

Mənbə azvision.az


Digər xəbərlər


"28 May"da yaşayanlar! Bu xəbər sizin üçündür

Bu gün 28 May qəsəbəsində istehlakçıların elektrik enerjisi təchizatında qısa müddətli fasilələr yaranacaq Xırdalan ETSİ-nin (Enerji Təchizat...

Şadlıq evində tavan uçdu - Ölən var

Xaçmaz rayonunda şadlıq evində ölüm hadisəsi olub. Hadisə rayon ərazisindəki «Aygün» şadlıq sarayında baş verib. Xaçmaz şəhər sakini, 19...

Azərbaycanda silahlı insident: Avtomobilin qarşısını kəsib atəş açdı

Yanvarın 20-də 1995-ci il təvəllüdlü Ziyad Mirzəyevin odlu silahdan açılmış atəş nəticəsində xəsarət alaraq xəstəxanaya daxil olması barədə daxil olm...

Xəzərin suyu niyə azalır? - RƏSMİ AÇIQLAMA

Ekologiya və Təbii Sərvətlər Nazirliyi Xəzər dənizində suyun səviyyəsinin azalmasının səbəblərini açıqlayıb. Nazirliyin Ekoloji siyasət şöbəsinin ...