09.10.2019

Bakıda ikinci Azərbaycan xalq mahnıları festivalı başlayır

Bu gündən ikinci Azərbaycan xalq mahnıları festivalına start veriləcək.

Festivalın açılış mərasimi Beynəlxalq Muğam Mərkəzində baş tutacaq. Konsertə giriş sərbəstdir.

Mədəniyyət Nazirliyinin dəstəyi, Azərbaycan Milli Elmlər Akademiyası, Azərbaycan Milli Konservatoriyası, Beynəlxalq Muğam Mərkəzi, Azərbaycan Dövlət Akademik Filarmoniyası, Mədəniyyət Nazirliyinin Elmi-Metodiki və İxtisasartırma Mərkəzi, AMEA-nın Folklor İnstitutunun iştirakı ilə reallaşacaq festival milli-mənəvi dəyərlərin təbliğinə xidmət edir. Festival çərçivəsində xalq mahnıları üzərində illərlə tədqiqatlar aparan musiqişünasların çıxışlarından ibarət elmi simpozium, Xalq Çalğı Alətləri Ansambllarının çıxışı, vokal gecələrinin keçirilməsi nəzərdə tutulur.

Azərbaycan xalq mahnılarından ibarət festivalın keçirilməsində məqsəd radiomuzun Qızıl Fondunda olan, eyni zamanda, regionlarda illərcə nəsildən-nəsilə ötürülən xalq mahnılarını tamaşaçılara təqdim edilməsidir.

Oktyabrın 13-dək davam edəcək festivalda məşhur musiqiçilərlə yanaşı, gənc və peşəkar ifaçıların da çıxışları nəzərdə tutulur.

Festivalın bədii rəhbəri Əməkdar artist, “Mədəniyyət” kanalının direktoru Ramil Qasımov, baş koordinatoru Bəhruz Niftəliyev, koordinatoru sənətşünaslıq üzrə fəlsəfə doktoru Səadət Təhmirazqızıdır.

Mənbə trend.az


Digər xəbərlər


"28 May"da yaşayanlar! Bu xəbər sizin üçündür

Bu gün 28 May qəsəbəsində istehlakçıların elektrik enerjisi təchizatında qısa müddətli fasilələr yaranacaq Xırdalan ETSİ-nin (Enerji Təchizat...

Şadlıq evində tavan uçdu - Ölən var

Xaçmaz rayonunda şadlıq evində ölüm hadisəsi olub. Hadisə rayon ərazisindəki «Aygün» şadlıq sarayında baş verib. Xaçmaz şəhər sakini, 19...

Azərbaycanda silahlı insident: Avtomobilin qarşısını kəsib atəş açdı

Yanvarın 20-də 1995-ci il təvəllüdlü Ziyad Mirzəyevin odlu silahdan açılmış atəş nəticəsində xəsarət alaraq xəstəxanaya daxil olması barədə daxil olm...

Xəzərin suyu niyə azalır? - RƏSMİ AÇIQLAMA

Ekologiya və Təbii Sərvətlər Nazirliyi Xəzər dənizində suyun səviyyəsinin azalmasının səbəblərini açıqlayıb. Nazirliyin Ekoloji siyasət şöbəsinin ...