01.10.2019

Heydər Əliyev Mərkəzində əfsanəvi «The No Smoking Orchestra» qrupunun konserti keçiriləcək

Noyabrın 29-da Emir Kusturitsa və qrupu Heydər Əliyev Mərkəzində konsert proqramı ilə çıxış edəcək.

Proqramda tamaşaçılara pozitiv emosiya dolu Balkan musiqiləri təqdim olunacaq.

Emir Kusturitsa karyerası boyunca müxtəlif sahələrdə populyarlıq və şöhrət qazanıb. Əvvəlcə o, kinorejissor və ssenarist kimi məşhurlaşıb, daha sonra isə özünü istedadlı musiqiçi kimi təsdiqləyib. Çoxşaxəli istedadı və fəaliyyəti Emir Kusturitsanı Balkan mədəniyyətinin simvoluna çevirib.

O, Sarayevo şəhərində dünyaya gəlib. Lap erkən yaşlarından incəsənətə meyl göstərib. Tez-tez dərslərdən yayınaraq kino zallarının qaranlığına çəkilir, sevimli filmlərinə təkrar-təkrar baxırmış. Məhz Sarayevodakı kinoteatrların birində o, nəhayət anlayır ki, həyatını cazibədar kino dünyası ilə bağlamaq istəyir. Kusturitsa geniş ictimaiyyətə müxtəlif mükafatlar almış «Arizona arzusu», «Yeraltı», «Qara pişik, ağ pişik» filmləri, o cümlədən Kann kinofestivalında iki «Qızıl palma budağı» qazanmış filmləri ilə məşhurdur.

Emir Kusturitsa 1999-cu ildə «The No Smoking Orchestra» qrupunu yaradıb və onun daimi üzvüdür. Kusturitsa qrupun tərkibində gitaraçı kimi çıxış edir. «The No Smoking Orchestra» qrupu rok-n-roll, Balkan pank-roku, qaraçı motivləri, türk marşları və Asiya melodiyalarını sintez edir. Kollektiv həmişə tamaşaçılarını təəccübləndirməyi bacarır, izləyicilərin özlərinin də iştirakçısına çevrildikləri möhtəşəm şou təqdim edir.

Heydər Əliyev Mərkəzində keçiriləcək konsertə biletlərin qiyməti 20, 30, 40, 60, 80, 100, 120 və 150 AZN-dir. Biletləri Mərkəzin kassasından, iTicket.az saytı və satış məntəqələrindən almaq olar.

Mənbə trend.az


Digər xəbərlər


Azərbaycan prezidenti və xanımı Romada Nizami Gəncəvinin abidəsini ziyarət edib

Azərbaycan Respublikasının Prezidenti İlham Əliyev fevralın 19-da Romadakı məşhur “Villa Borghese” parkında dahi Azərbaycan şairi və mütəfəkkiri Niza...

Nailə Mirməmmədli direktor təyin olunub

Tanınmış bəstəkar BDU-nun Mədəniyyət-yaradıcılıq Mərkəzinə direktor təyin olundu Bakı Dövlət Universitetinin (BDU) Elmi Şurasının qərarı ilə yen...

Aleyna Tilki: Bir neçə sevgilim var

Aleyna Tilki, Kıbrısdakı “Nuh’un Gemisi Deluxe Hotel” də səhnəyə çıxdı Kansertdən öncə jurnalistlərin suallarını cavablayan gənc müğənni sevgililə...

Jim Kerrinin “Bir sən qaldın” skandalına cavab: Bu xəbər belə deyil

Məşhur aktyor Jim Kerrinin jurnalistə verdiyi cavab skandal cavabdan sonra spikeri danışdı: “Bu xəbər belə deyil” Kameralardan dört il uzaq qalan ...