14.11.2019

Ərdoğan ABŞ senatorlarını susdurdu: “Kürdlər başqa, terrorçular başqadır”

Türkiyə Prezidenti Rəcəb Tayyib Ərdoğan başda olmaqla ABŞ-da səfərdə olan rəsmi heyət prezident Donald Trampın verdiyi işgüzar yemək masasından sonra ABŞ senatorlarla görüşüb.

APA-nın Türkiyə bürosunun NTV televiziyasına istinadla verdiyi xəbərə görə, görüşə Donald Trampa yaxınlığı ilə tanınan Respublikaçılar Partiyasından 5 senator da qatılıb.

Senatorlar iki ölkə arasında əlaqələrin daha da inkişaf etməsini, eləcə də Türkiyənin ABŞ üçün önəmli müttəfiq olduğuna görə yenidən öz aralarında görmək istəklərini bildiriblər.

Türkiyənin Suriyadan didərgin düşən qaçqınlara sığınacaq verməsini təqdir etdiklərini bildirən senatorlar Türkiyə ilə ABŞ-ın terrora qarşı birgə mübarizə aparmasından məmnunluqlarını desələr də, lakin kürdlərin qırğınına qarşı olduqlarını bildiriblər.

Senatorlar eyni zamanda S-400 mövzusundan da narahatlıqlarını ifadə ediblər. Onlar rus sistemi ilə F-35-lərin uyğun gəlmədiyi vurğulayıblar.

Rəcəb Tayyib Ərdoğan isə öz növbəsində kürdlərlə terrorçuların bir-birindən fərqli olduğunu deyib. O, dünyada ən çox kürdün yaşadığı yerin Türkiyə olduğunu bildirib. Əlavə edib ki, Barak Obama hakimiyyəti dövründə Suriyadan Türkiyəyə gələn kürdlərin sayı 360 minə yaxın olub: “Onları heç kimin qəbul etmədiyi halda biz qəbul etdik və bütün problemlərini qarşıladıq. Fəqət sizin kürd dediyiniz hər halda PYD/YPG-dir. Sizin Mazlum Kobani kimi tanıdığınız terrorçu Fərhad Abdi Şahin terrorçuların lideri Abdullah Öcalanın mənəvi övladıdır. Kürdlər başqa, terrorçular başqadır”.

Ərdoğan həmçinin Türkiyənin Suriya ərazisindəki təhlükəsiz bölgə yaratmaq planı haqqında senatorlara məlumat verib. 6 ay və 2 il müddət ərzində təhlükəsiz bölgədə suriyalıların qayıdışı üçün inşaat işləri aparıldığını və suriyalıların demoqrafik probleminin nisbətən həllinə nail olunacağını bildirib: “Təhlükəsiz bölgə Türkiyənin nəzarətində olmalıdır”.

Görüşdə Donald Tramp bildirib ki, Türkiyədə hazırda 4 milyon qaçqın var, onlara Avropanın da sığınacaq verməsini arzulayır.

Mənbə musavat.com


Digər xəbərlər


Dövlət Komissiyasının tərkibi dəyişdi - SƏRƏNCAM

Prezident İlham Əliyev “Azərbaycan təbii qazının dünya bazarına Cənub Qaz Dəhlizi vasitəsilə nəqli ilə əlaqədar tədbirlər haqqında” Azərbaycan Respub...

Davudoğlu yaratdığı yeni partiyasını elan etdi

Türkiyənin keçmiş baş naziri Əhməd Davudoğlu yeni partiya yaradıb.“Hurriyet”ə istinadən xəbər verilir ki, dekabrın 13-də paytaxt Ankarada Gələcək Pa...

Böyük Britaniyanın AB-dən çıxacağı vaxt bəlli oldu

Britaniya Avropa Birliyindən yanvarın 31-də ayrılacaq. Bunu Britaniya Baş naziri Boris Conson deyib. Qeyd edək ki, bundan öncə Breksitin oktyab...

“Erməni soyqırımı”nın qəbulu ABŞ-Türkiyə əlaqələrinə ağır zərbə vuruldu

ABŞ Senatının “erməni soyqırımı” qətnaməsini təsdiqləməsi gözlənilən idi. Bunu analitik Elxan Şahinoğlu qeyd edib. O, ötən gün qətnamənin qəbul ed...