26.11.2019

Tesla Cybertruck ön sifarişlərdə bütün gözləntiləri darmadağın etdi

Tesla şirkətinin ilk pikap modeli olan Cybertruck-ın təqdimatı bir qədər mübahisəli alındı. İnternetdə yeni elektromobilin dizaynı və güllə keçirməz şüşələri barəsində çoxlu sayda memlər ortaya çıxıb. Lakin bütün bunlar Cybertruck-ın məşhurluq qazanmasına mane olmayıblar. Belə ki, Elon Musk-ın verdiyi məlumata əsasən Cybertruck-ın müxtəlif versiyalarının ön sifariş göstəriciləri diqqəti cəlb edir. Bu barədə Techcrunch saytı xəbər verib.

Musk-ın verdiyi məlumata əsasən elektromobilin təqdimatından sonra bir neçə gün ərzində Tesla şirkəti Cybertruck-ın alınması üçün 146.000 ön sifariş əldə edib. Məlumatda qeyd edilib ki, ön sifarişlərin böyük hissəsi 3 mühərrikli və 2 mühərrikli versiyaların payına düşür. Belə ki, ön sifarişlərin ümumi sayının 41%-i 3 mühərrikli versiyasının, 42%-i isə 2 mühərrikli versiyasının üzərinə düşüb. Ön sifarişlərin ümumi sayının 17%-ni Cybertruck-ın standart versiyası təşkil edib.

Qeyd etmək lazımdır ki, ön sifariş dedikdə elektromobilin tam qiymətinin ödənilməsi nəzərdə tutulmur. Onun  istehsalına hələ 2021-ci ildə start veriləcək. Ön sifarişin qeydə alınması üçün isə sadəcə olaraq öncədən 100$ vəsait ödəmək lazımdır. Beləliklə ön sifarişlərin nəzərə alınması ilə Tesla şirkəti artıq 15 milyon dollar gəlir əldə edib. Qeyd etmək lazımdır ki, Cybertruck-ın standart versiyası 39.900$-a, 2 mühərrikli versiyası 49.900$-a, 3 mühərrikli versiyası isə 69.900$-a satılacaq.

Mənbə technote.az


Digər xəbərlər


Windows 10 ilə artıq telefon zənglərini komputer üzərindən cavablamaq mümkündür

Microsoft şirkəti Your Phone (Telefonunuz) tətbiqi ilə Windows 10 üzərindən Android cihazları idarə etməyi mümkün ...

Bu mallar da idxal gömrük rüsumundan azad edildi

Azərbaycana sənaye yığımı məqsədilə velosipedlər üçün ölkəyə gətirilən mallar və ehtiyat hissələri 15 faiz idxal gömrük rüsumundan azad edilib. N...

Funt-seterlinq yenə də bahalaşdı

Böyük Britaniyada Cümə axşamı günü keçirilmiş seçkinin ardından Funt-seterlinqin dollar qarşısında 2,5 ilin ən güclü yüksəlişi baş verib. Xəbər ve...

Google Chrome oğurlanmış şifrələr ilə bağlı istifadəçiləri məlumatlandıracaq

 Google şirkəti Chrome brauzerinin yeni versiyasını təqdim edib və həmin versiya məlumat sızıntıları səbəbilə istifadəçinin şifrə...