Bakı 26 ℃

USD 1.7
RUB 0.0231
EUR 2.0061
TRY 0.232
Qızıl 3273.3075
Gümüş 43.8575

12.12.2019

Türkiyə mediası hamıya yalan danışıb? Tağıyevin adına çıxılan ev əslində kimə aiddir?

Azərbaycan Milli Tarix Muzeyinin elmi katibi Fərhad Cabbarov və Tağıyevin kötükcəsi Alban Klod Türkiyədə olduğu iddia edilən malikanə haqqında məlumatları şərh ediblər

Məşhur azərbaycanlı xeyriyyəçi Hacı Zeynalabdin Tağıyev heç vaxt Türkiyədə daşınmaz əmlaka sahib olmayıb, onun yalnız Azərbaycanda və Moskvada əmlakı olub. Bu barədə tarixçi Fərhad Cabbarov, həmçinin Tağıyevin kötükcəsi Alban Klod məlumat veriblər.

Xatırladaq ki, bu yaxınlarda Türkiyə mediası İstanbulda xeyriyyəçi Hacı Zeynalabdin Tağıyevin villasının satışa çıxarıldığı barədə məlumat yayıb. Tarixi abidə 17 milyon türk lirəsi (5 milyon manat) dəyərindədir və onun sahəsi isə 2400 kvadrat metrdir.

Azərbaycan Milli Tarix Muzeyinin elmi katibi, alim Fərhad Cabbarov bu xəbərə çox təəccüblənib və buna görə də məlumatın nə qədər etibarlı olduğunu öyrənməyə qərar verib.

Azərbaycan Milli Tarix Muzeyinin elmi katibi, alim Fərhad Cabbarov

“Tarixi sənədlərdə göstərilən məlumatlara əsasən bilirəm ki, Tağıyevin xaricdə heç bir daşınmaz əmlakı olmayıb. Bu sənədlərdə onun yalnız Moskvada evlərinin olduğu bildirilir, ancaq o zaman biz Rusiya ilə vahid bir ölkə sayılırdıq, buna görə də bunu xaric adlandıra bilmərik. Təəssüf ki, sənədlərdə yalnız mənzillərin qiyməti göstərilir, lakin onların dəqiq ünvanları, neçə mərtəbəli olduğu, sahəsi gizli saxlanılıb. Moskvada onun evləri hələ də qalır və bildiyim qədəri ilə onlar yaşayış üçün istifadə olunur”, — Cabbarov deyib.

Fransada yaşayan və milyonçunun ikinci oğlu Sadıq Tağıyevin birinci evlilikdən olan nəticəsi Alban Klod alimin sözlərini təsdiqləyib. Onun sözlərinə görə, Tağıyevin Türkiyədə mövcud olduğu iddia edilən malikanə haqqında məlumatı əldə etdikdən sonra yaxınlarını sorğu-sual etmək qərarına gəlib. Məlum olub ki, əslində bu villa xeyriyyəçinin nəvələrindən birinin — Leyla Tağıyeva və Əli Əsədullayevin qızı olan Gülnarə Tağıyevanın ərinin ailəsinə məxsusdur.

“Onlar Azərbaycandan Türkiyəyə emiqrasiya ediblər və buna görə də orada qalıblar. Mən yalnız Tağıyevin Azərbaycanda yerləşən tarixi binaları haqqında məlumatlıyam və hazırda onlardan əksəriyyətinin bərpaya ehtiyacı var. Onları bərpa edib muzeylərə və ya sakinlərə fayda verəcək evlərə çevirmək olar”, — Klod deyib.

Hazırda Alban Klod öz ailəsi, Tağıyevin və bütövlükdə Azərbaycanın tarixi haqqında kitab üzərində işləyir, eləcə də Qacarlar sülaləsinin tarixini öyrənir. Klod işi üçün material toplamaq məqsədilə tezliklə Bakıya qayıdacağına söz verib.

Hacı Zeynalabdin Tağıyevin ikinci oğlu Sadıq Tağıyevin birinci evlilikdən olan nəticəsi Alban Klod

Xatırladaq ki, Alban Klod 2016-cı ildə təsadüfən Tağıyevin nəslindən olduğunu öyrənib. 2019-cu ilin noyabrında isə ilk dəfə olaraq Bakıya gəlib.

Hacı Zeynalabdin Tağıyev 1823-cü il yanvarın 25-də Bakıda başmaqçı ailəsində anadan olub. Uşaq yaşlarında usta köməkçisi və bənna işləmiş Tağıyev 20 yaşında tikinti işləri ilə məşğul olmağa başlayır. Qısa müddətdən sonra o, sahibkarlığa, eləcə də ticarət və sənaye sahələrində fəaliyyətə başlayır.

Tağıyev qazancının böyük bir hissəsini xeyriyyəçiliyə, doğma şəhərinin inkişafına və abadlaşdırılmasına yönəltdiyinə görə hörmət və şöhrət qazanıb. O, ölkədə təhsilin və incəsənətin inkişafına kömək edib. Xeyriyyəçi Bakıda müsəlman Şərqində ilk dəfə olaraq qızlar üçün məktəb açıb, teatr, birja, dəmir yolu inşa etdirib, eləcə də yanğınsöndürmə xidmətini açıb və su borusu çəkdirib. Tağıyev həmçinin istedadlı gənclərin xaricdə təhsil almasını maliyyələşdirib və sənətkarların işinə dəstək göstərib.

Hacı Zeynalabdin Tağıyev 1924-cü ildə 101 yaşında Abşeronun Mərdəkan kəndində sətəlcəmdən vəfat edib.

Mənbə sputnik.az


Digər xəbərlər


Taktiki təlimlərin birinci mərhələsi davam edir - VİDEO

Azərbaycan-Türkiyə birgə genişmiqyaslı döyüş atışlı taktiki təlimlərinin birinci mərhələsi Quru Qoşunları bölmələrinin iştira...

Açıq havada kafe, restoran və rayonlara gediş-gəliş üçün prezidentin köməkçisi vaxt verdi

«Avqustun 17-dən açıq havada kafe və restoranların açılması nəzərdə tutulur». Gulustan.info xəbər verir ki, Nazirlər...

Feysbuk işçiləri 2021 yazına qədər evdən işləyəcək

Feysbuk sözçüsü Nneka Norville, verdiyi açıqlamada sağlamlıq və icma mütəxəssisləri rəhbərliyinə əsaslanaraq şirkət işçilərinə 20...

Naxçıvanda keçirilən Azərbaycan-Türkiyə birgə genişmiqyaslı təlimləri davam edir - VİDEO

Naxçıvanda keçirilən Azərbaycan-Türkiyə birgə genişmiqyaslı döyüş atışlı taktiki və taktiki-uçuş təlimləri davam edir. Müdafiə...

Böyük sənətkarın həyat yoldaşı vəfat edib

Azərbaycanın böyük sənətkarı Hamlet Xanızadənin həyat yoldaşı Nailə Xanızadə vəfat edib. Gulustan.info xəbər verir ki, bu barə...

Baş Nazir, Operativ Qərargahın rəhbəri Əli Əsədov əhaliyə müraciət edib

Azərbaycan Respublikasının Baş Naziri, Operativ Qərargahın rəhbəri Əli Əsədov iyunun 4-də ölkəmizdə koronavirusa yoluxma halların...

Prezident Sumqayıtda işıqlandırma sistemlərinin quraşdırılması ilə bağlı Sərəncam imzalayıb

Azərbaycan Respublikası Prezidenti «Sumqayıt şəhərində müasir işıqlandırma sistemlərinin quraşdırılması ilə bağlı tədbirlər ...

Yevlaxda qaraçılar aksiyaya cəhd edib - Polisə xəsarət yetirilib

Yevlax şəhərində karantin rejimini pozan qaraçılar polisə daşla xəsarət yetiriblər. DİN Mətbuat xidmətinin Bərdə regional qr...