02.12.2019

Mehriban Əliyevanın köməkçisi BANM-də master-klass keçib — FOTO

Azərbaycanın Birinci vitse-prezidenti Mehriban Əliyevanın köməkçisi Emin Hüseynov Bakı Ali Neft Məktəbində (BANM) Biznesin İdarə olunması üzrə Tədris Mərkəzinin “Professional biznes müzakirələri” adlı sessiyaları çərçivəsində MBA tələbələrinə “Daha güclü, inkluziv və dayanaqlı inkişaf: Azərbaycanın nümunəsində” mövzusunda master-klass keçib.

Bu barədə Ali Məktəbin İctimaiyyətlə əlaqələr şöbəsindən məlumat verilib.

Master-klassda maraqlı məqamlara toxunan Emin Hüseynov BANM tələbələrinə bir ölkənin iqtisadi cəhətdən inkişafında əsas üç amilə — daha güclü olmaq, inkluzivlik və dayanıqlılığa diqqət çəkərək, onlar arasında optimal balansın saxlanılmasının vacibliyini xüsusi qeyd edib. Daha sonra o, təqdimatında iqtisadi inkişaf və onun üç amilini 1995-2019-ci illər üzrə Azərbaycanın nümunəsində izah edib: 1995-2004-cü illər — dirçəlmə və stabillik dövrü, 2005-2014-cü illər — neft bumu dövrü və 2014-2019-cu illər — post-neft dövrü.

“Əsas məsələ bundan sonra başlayır. Gələcəyə necə gedirik? Bundan sonrakı istiqamətimiz və hədəfimiz nədir, hansı strateji planlarımız var? – bu sualların cavabını vermək lazımdır. Önəmli məsələlərdən biri də getdiyimiz yolda risklər və çətinlikləri müəyyən etmək vacibdir. Daha nələr etmək, nələri düzəltmək olar ki, hədəfə çataq”, — E.Hüseynov fikirlərini BANM tələbələri ilə bölüşüb.

Master klass zamanı o MBA tələbələrini maraqlandıran sualları cavablandırıb və rektor Elmar Qasımova Ali Məktəbdə sessiya üçün yaradılan şəraitə görə təşəkkürünü bildirib.

Sonda E.Hüseynova “Fəxri qonaq plaketi” təqdim olunub.

Qeyd edək ki, BANM-in Biznesin İdarə olunması (MBA) üzrə Tədris Mərkəzi “İdarəçilik idarəçilərdən öyrənilir” şüarı altında fəaliyyət göstərir və tez-tez “Professional biznes müzakirələri” (“Professional Business Talks”) adlı sessiyalar təşkil edir. Bu cür sessiyaların əsas məqsədi tələbələrin biznes sektoru üzrə dünyagörüşünü formalaşdırmaq, onların rəhbər şəxslərlə kommunikasiya yaratmasına və fikir mübadiləsi apara bilmələrinə şərait yaratmaqdır.

Mənbə modern.az


Digər xəbərlər


Karantin rejimində tənəffüs yollarını qorumaq üçün bəzi tələblər müəyyənləşib

Nazirlər Kabineti “Xüsusi karantin rejimində tənəffüs yollarını qoruyan fərdi vasitələrdən istifadə tələbləri barədə” qərar qəbul edib. Gulustan.i...

Baş katib: "Dünya Turizm Təşkilatı Azərbaycana dəstək verməyə hazırdır"

Dünya Turizm Təşkilatının Baş katibi Zurab Pololikaşvili Azərbaycan Respublikasının Prezidenti İlham Əliyevə Respublika Günü münasibət...

Azərbaycanda dövlət sərhədinin bağlanması 15 iyuna qədər uzadılıb

Azərbaycan Respublikası Nazirlər Kabineti yanında Operativ Qərargahı məlumat yayıb. Qərargahdan Gulustan.info-ya  verilən xəbərə görə, korona...

DİN it döyüşdürənlərin fotosunu yayıb

Bir neçə gün əvvəl sosial şəbəkələrdə naməlum şəxslər tərəfindən təşkil edilmiş it döyüşlərini əks etdirən videogörüntülər paylaşılmışdı.DİN-in Mətbu...