13.01.2020

İranın Londondakı səfiri İngiltərə XİN-ə çağrıldı

İranın Londondakı səfiri Həmid Baidinejad İngiltərə Xarici İşlər Nazirliyinə çağırılıb.

“İnterfaks”a istinadən verilən xəbərə görə, səfir yanvarın 12-də İngiltərənin Tehrandakı səfiri Rob Makeranın saxlanılmasına etiraz məqsədilə quruma çağırılıb. 

Baş Nazir Boris Consonun Mətbuat xidmətinin nümayəndəsi Makeranın saxlanılmasını “Vyana Konvensiyasının qəbuledilməz bir pozulması” kimi dəyərləndirərək buna dair istintaq tələb edib.

Qeyd edək ki, Rob Makera yanvarın 11-də Tehranda qanunsuz etiraz aksiyasında iştirak etmək şübhəsi ilə bir müddət saxlanılıb. İran Xarici İşlər Nazirliyi diplomatın şəxsiyyətini müəyyənləşdirərək 15 dəqiqədən sonra sərbəst buraxıldığını bildirib. Daha sonra Makera etirazlarda iştirak etmədiyini, lakin Tehranda Ukrayna təyyarəsi qəzasında həlak olanların xatirəsinə aid qanuni aksiyada iştirak edəcəyini söyləyib. Səfir aksiyada beş dəqiqədən çox olmayaraq iştirak etdiyini və ayrıldıqdan yarım saat sonra saxlanıldığını sözlərinə əlavə edib.

Xatırladaq ki, yanvarın 8-də Ukraynanın “Boeing 737” təyyarəsinin Tehranın hava limanının yaxınlığında qəzaya düşməsi nəticəsində 167 sərnişin, 9 ekipaj üzvü həlak olub. Onlardan 82-si İran, 63-ü Kanada, 11-i Ukrayna, digərləri isə İsveç, Əfqanıstan, Almaniya və İngiltərə vətəndaşları olub.

Ötən gündən etibarən İranda etiraz aksiyaları keçirilir.

Mənbə qafqazinfo.az


Digər xəbərlər


Deputatlığa namizəd icra hakimiyyətinin özbaşınalığından Prezidentə şikayət etdi - VİDEOMÜRACİƏT

Qarabağ qazisi, 60 saylı Salyan-Neftçala seçki dairəsindən deputatlığa namizəd Kamil Musavi Ali Baş Komandan Prezident İlham Əliyevə videomüraciət ün...

Ərdoğan: - "Dövlət olaraq heç nəyə ehtiyacımız yoxdur

Türkiyə prezidenti Rəcəb Tayyib Ərdoğan zəlzələnin baş verdiyi Elazığ şəhərinə gedib. Gülüstan.info xəbər verir ki, Türkiyə prezidenti zəlzələdə h...

YAP-çı deputatlığa namizədlərin bir qrupu partiyadan çıxarılıb

Milli Məclisə fevralın 9-da keçiriləcək növbədənkənar seçkilərlə əlaqədar Yeni Azərbaycan Partiyasının (YAP) 200-dən çox üzvü fərdi qaydada deputatlı...

Azərbaycan Prezidenti türkiyəli həmkarına başsağlığı verib

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğana başsağlığı məktubu göndərib. Gülüstan.info xəbər verir ki, dövlətimizi...