İranın sabiq Mədəniyyət naziri Nizami Gəncəvini İran şairi kimi təqdim edib

İranın keçmiş Mədəniyyət naziri Əhməd Məscid Camei Azərbaycanın dahi şairi Nizami Gəncəvini fars şairi kimi təqdim edib.

Hazırda Tehran Şəhər Şurasının üzvü olan sabiq nazir bu iddianı İslam Respublikasının dövlət qəzeti olan “İran”da dərc edilən məqaləsində irəli sürüb.

“Azərbaycan Respublikasına səfərim zamanı bəziləri məndən Nizamini iranlı hesab etdiyimizin səbəbi barədə soruşurdular. Bu suala cavab vermək çətin deyil. Nizami əslində onun Xəmsə əsərini oxuyan, düşüncə dili farsca olan, bu dillə Nizaminin təfəkkürü ilə əlaqə yaradanların soyudur,” deyə Məscid Camei yazıb.

O, həmçinin Azərbaycanda Nizaminin əzəmətli heykəllərinin ucaldılmasını misal gətirərək Tehran şəhərində də bənzər addımın atılması təklifini irəli sürüb.

“Tehran fars dili ölkəsinin paytaxtıdır. Bu şəhərdə bu mədəniyyətin yaradıcılarının yüksək mövqeyi öz əksini tapmalıdır,” deyə keçmiş mədəniyyət naziri əlavə edib.

Məscid Camei eyni zamanda Nizami Gəncəvidən İranın Qafqaz və Orta Asiyadakı qonşuları ilə yaxınlaşma və həmrəylik vasitəsi kimi istifadə etməyi təklif edib.

İran rəsmiləri daha öncə də dəfələrlə Azərbaycanın tanınmış simalarını, o cümlədən «Ata-babalarım türk olub” deyən Nizami Gəncəvini öz adlarına çıxmağa çalışıblar.

Azərbaycanın Gəncə şəhərində doğulub və bütün ömrünü doğma vətənində yaşayan Nizami zamanın şəraitinə uyğun olaraq fars dilində yazsa da, türk olduğunu bir neçə yerdə vurğulayıb və əsərlərində türk dilindəki məfhumlar və atalar sözlərindən istifadə edib.

İranın sabiq Mədəniyyət naziri Nizami Gəncəvini İran şairi kimi təqdim edib

Digər xəbərlər

Misirdə yeni kəşf - 22-ci sülaləyə aid qəbrlər tapılıb

"Emmi" mükafatının qalibləri məlum olub

Azərbaycan “Eurovision”da iştirakını təsdiqlədi

Bu gün Azərbaycanda Milli musiqi günüdür.

İbrahim Tatlısəs yenidən ekranlara qayıdır

Leyla Əliyevanın Rasim Balayevlə - Müsahibəsi

İranda Dədə Qorqud kitabının nəşrinə icazə verilməyib

Prezidentdən Fikrət Qoca ilə bağlı sərəncam