Bakı 17 ℃

USD 1.7
RUB 0.0281
EUR 1.816
TRY 0.1038
Qızıl 3137.4775
Gümüş 37.0302

25.08.2021

Mehriban Əliyeva ilə bağlı iki film hazırlandı — VİDEO

Azərbaycan Televiziyası Azərbaycanın Birinci vitse-prezidenti, birinci xanım, Heydər Əliyev Fondunun prezidenti Mehriban Əliyevanın həyat və fəaliyyəti ilə bağlı iki sənədli film hazırlayıb.

Qurumun Sosial media və ictimaiyyətlə əlaqələr şöbəsindən verilən məlumatına görə, filmlərdən biri “Birinci xanım”, digəri isə “Bir görüşün xatirəsi” adlanır.

“Birinci xanım” adlı sənədli filmdə Mehriban Əliyevanın həyatı, fəaliyyəti barədə ətraflı məlumat verilib, keçirdiyi görüşlər, vətəndaşlarla səmimi anlar, ən təsirli nitqlərindən hissələr yer alıb.

Filmdə birinci xanımın Vətən müharibəsindən əvvəl “Qarabağ şikəstəsi”ni Qarabağ torpağında dinləmək arzusunu dilə gətirməsi, zəfərdən sonra isə diləyinin həyata keçdiyi kövrək anlara da yer ayrılıb.

“Birinci xanım” sənədli filmi 26 avqust saat 15:00-da AzTV-də yayımlanacaq.

AzTV-nin birinci xanıma həsr etdiyi ikinci film isə “Bir görüşün xatirəsi” adlanır. Film Azərbaycanın birinci xanımı Mehriban Əliyevanın görüşdüyü, səmimi söhbətlər etdiyi vətəndaşların müsahibələri əsasında hazırlanıb. Onlar Mehriban Əliyeva ilə söhbətlərindən söz açıblar.

Filmdə 2014-cü ildə Prezident İlham Əliyev xanımı ilə Gəncədə səfərdə olarkən onları öz ad gününə dəvət edən 11 yaşlı Ümid Həbibovun Prezident Sarayına gəlişinə yer verilib. O, Prezident ailəsi ilə bağlı belə bir fikir səsləndirib: “Mən müəyyən elədim ki, onların sıravi vətəndaşlardan heç bir fərqi yoxdur”.

Azərbaycanın 10 milyonuncu vətəndaşının dünyaya gəldiyi Həsənovlar ailəsinin də Prezident və xanımı ilə səmimi görüşündən xatirələri yer alıb.

Daha sonra isə filmdə birinci xanımın autizm sindromlu uşaqlar üçün Reabilitasiya Mərkəzində onlarla birgə tort hazırlaması, musiqi ifa etməsindən fraqmentlər əks olunub. Uşaqlar birinci xanım Mehriban Əliyeva ilə görüşlərindən xatirələrini “Bir görüşün xatirəsi” filmində dilə gətiriblər.

Film avqustun 26-sı saat 21:30-da AzTV-də yayımlanacaq.

AzTV-nin hazırladığı hər iki film TV-nin feysbuk səhifəsində (aztvresmi) də canlı yayımlanacaq.

Qeyd edək ki, Əliyeva Mehriban Arif qızı 1964-cü il avqustun 26-da Bakı şəhərində ziyalı ailəsində anadan olub.


Digər xəbərlər


Bu gün “TEKNOFEST Azərbaycan” festivalı işə başlayır

Bu gün Bakıda “TEKNOFEST Azərbaycan” Aerokosmik və Texnologiya Festivalı işə başlayır. Tədbir 4 gün davam edəcək. “TEKNOFES...

Heydər Əliyev Fondunun dəstəyi ilə “Azərbaycan xalçası-ilmələrin rəqsi” adlı yeni xalça kolleksiyası və kitabı təqdim olunacaq

Heydər Əliyev Fondunun dəstəyi ilə milli-mənəvi dəyərlərimizin, mədəni irsimizin qorunub saxlanılması, inkişafı və tanıdılmasına ...

Heydər Əliyev Fondunun dəstəyi ilə yeni xalçaların təqdimatı və “AFFFAIR in Carpets” dəfiləsi olacaq

Heydər Əliyev Fondunun dəstəyi ilə yeni xalçaların təqdimatı və xalça motivləri əsasında hazırlanan geyimlərin dəfiləsi keçiriləc...

Azərbaycan “Avroviziya -2022”nin finalında

İtaliyanın Turin şəhərinin ev sahibliyi etdiyi 66-cı “Eurovision” mahnı müsabiqəsinin ikinci yarımfinalı keçirilib. İtaliyanın...

Şuşada Birinci Beynəlxalq Kulinariya Festivalı keçirilir

Şuşada Birinci Beynəlxalq Kulinariya Festivalı keçirilir. Gulustan.info xəbər verir ki, Heydər Əliyev Fondu və Dövlət Turizm A...

Vaşinqtonda Azərbaycan Mədəniyyət Gecəsi keçirilib

Azərbaycan Respublikasının ABŞ-dakı Səfirliyinin təşkilatçılığı və ABŞ-Azərbaycan Ticarət Palatasının dəstəyi ilə Vaşinqtonun tar...

Şuşa Birinci Beynəlxalq Kulinariya Festivalına ev sahibliyi edəcək

Mayın 5-dən 8-dək Heydər Əliyev Fondu və Dövlət Turizm Agentliyinin təşkilatçılığı ilə Azərbaycanın mədəniyyət paytaxtı Şuşada mü...

Kreml sarayında Müslüm Maqomayevin 80 illiyi qeyd olunacaq

Bu gün Kreml Sarayında “XXI əsrin tenorları” art layihəsi və Rusiya Filarmoniyasının Simfonik Orkestri Müslüm Maqomayevin repertu...