14.03.2019

BDYPİ Novruz bayramı ərəfəsində yol hərəkəti iştirakçılarına müraciət edib

Baş Dövlət Yol Polisi İdarəsi (BDYPİ) Novruz bayramı ərəfəsində yol hərəkəti iştirakçılarına müraciət edib.

Qarşıdan gələn Novruz bayramı ilə əlaqədar tətil günlərində respublikanın bölgələrinə səfər edən, istirahət zonalarına üz tutan insanların sayının artacağı və bununla da ümumi istifadədə olan avtomobil yollarında nəqliyyatın hərəkət intensivliyinin artacağı gözlənilir. Bayram günlərində yol hərəkəti təhlükəsizliyinin təmin olunması və baş verə biləcək yol-nəqliyyat hadisələrinin qarşısının vaxtında alınması məqsədilə Baş Dövlət Yol Polisi İdarəsi səfərə çıxan sürücülərin diqqət yetirməli olduqları məqamları ənənəvi olaraq bir daha xatırladır. Qeyd olunub ki, səfərə çıxmazdan əvvəl ilk növbədə avtomobilin texniki vəziyyətinə xüsusi diqqət ayrılmalı və aşkarlanan nasazlıqlar təxirə salınmadan aradan qaldırmalıdır. Hərəkət zamanı təhlükəsizlik kəmərlərinin təkcə sürücülər deyil, sərnişinlərin də bağlaması mütləqdir. Təhlükəsizlik kəmərlərinin bağlanılmaması təkcə məsuliyyət yaratmır, həm də qəfil tormozlama və ya hər hansı toqquşma zamanı sürücülərin və sərnişinlərin həyat və sağlamlıqlarına təhlükə riskini artırır. Rayonlararası magistral yollarda təhlükəsizliyin təmin olunması şərtlərindən biri də avtomobilin texniki imkanlarından asılı olmayaraq sürət rejiminə ciddi əməl etməkdir.

“Uzaq məsafələrə səfərlər zamanı yuxusuz, yorğun, əzgin halda sükan arxasına əyləşməyin. Belə halda siz yalnız özünüzü deyil, sərnişinlərinizi və digər hərəkət iştirakçılarını da təhlükə qarşısında qoya bilərsiniz. Mümkün qədər hər 2-3 saatlıq fasiləsiz hərəkətdən sonra qısa müddətə də olsa avtomobilinizi saxlayıb istirahət edin. Bunun üçün respublika əhəmiyyətli yollarda yerləşən DYP-nin stasionar postlarında yaradılan şəraitdən istifadə edə bilərsiniz. Yolboyu ötmə, manevretmə hərəkətlərini edərkən tələsməyin. Bu hərəkətlərə başlamazdan qabaq qarşıdan gələn, eləcə də eyni istiqamətdə hərəkət edən nəqliyyat vasitələrinin hərəkət sürətini düzgün hesablayın, arxayın olmadığınız, yanlış qərar verməyin.

Unutmayın, qaydalara riayət etməklə Siz, həm özünüz, həm də əzizləriniz üçün bayram günlərinin xoş keçməsinə zəmin yaratmış olacaqsınız!”, — deyə müraciətdə diqqətə çatdırılıb.

Mənbə AZƏRTAC


Digər xəbərlər


Çörək bişirmə sex CƏRİMƏLƏNDİ - Karantini pozduğuna görə - FOTO

Gəncə şəhərində sərtləşdirilmiş karantin rejimi qaydalarını pozaraq fəaliyyətini davam etdirən çörək sexi aşkarlanıb. Daxili İşlər Nazirliyinin Mə...

Türkiyənin Suriyadakı “Barış Bulağı” Hərəkatı bölgəsində terror aktı törədilib, ölənlər var

Türkiyənin Suriyadakı “Barış Bulağı” Hərəkatı bölgəsində terror aktı törədilib, ölənlər varTürkiyənin Suriyadakı “Barış Bulağı” Hərəkatı bölgəsində, ...

Naxçıvan qarnizonu qoşunlarında gənc əsgərlərin andiçmə mərasimi keçirilib - VİDEO

Əlahiddə Ümumqoşun Orduda gənc əsgərlər Vətənə sədaqət andı içiblər. Müdafiə Nazirliyindən Gulustan.info bildirilib ki, andiçmə mərasimində Azərba...

Bu şəxslər küçəyə çıxsa cərimələnəcək

2020-ci il 6 iyun saat 00:00-dan 8 iyun saat 06:00-dək Bakı, Sumqayıt, Gəncə, Lənkəran şəhərlərinin və Abşeron rayonunun ərazisində hərəkət icaz...